  Արցախի նախագահը կընտրվի հուլիսի 19-ին. 2 թեկնածու կա 13 հուլիսի 2017 - 13:08 AMT PanARMENIAN.Net - Արցախի նախագահի ընտրությունները տեղի կունենան հուլիսի 19-ին: Այս մասին հայտարարություն է տարածել Արցախի Ազգային ժողովի նախագահ Աշոտ Ղուլյանը: Արցախի Հանրապետության Ազգային ժողովի կողմից Հանրապետության նախագահի ընտրությունը տեղի կունենա Ազգային ժողովի հատուկ նիստում, որն իրավունքի ուժով կգումարվի 2017 թվականի հուլիսի 19-ին՝ ժամը 11.00-ին՝ հաշվի առնելով Արցախի Հանրապետության նախագահի ընտրության համար Սահմանադրությամբ նախատեսված ժամկետները և «Ազգային ժողովի կանոնակարգ» Արցախի Հանրապետության օրենքի 149-րդ հոդվածի 3-րդ և 4-րդ մասերի պահանջները: Հայտարարությունում ասվում է, որ սահմանված կարգով և ժամկետներում՝ հուլիսի 5-12-ը ներառյալ, նախագահի պաշտոնում ընտրվելու համար առաջադրվել է 2 թեկնածու՝ Էդուարդ Արտավազդի Աղաբեկյանը («Շարժում -88» խմբակցության կողմից), Բակո Սահակի Սահակյանը («Հայրենիք», «Դաշնակցություն» և «Ժողովրդավարություն» խմբակցությունների կողմից), հայտնում է Արցախպրեսը: Հայտարարության մեջ ասվում է նաև. «Արցախի Հանրապետության Սահմանադրության 168-րդ հոդվածի 1-ին մասի համաձայն՝ գործող Հանրապետության նախագահի լիազորությունների ավարտից ոչ շուտ, քան 50 և ոչ ուշ, քան 40 օր առաջ Ազգային ժողովը խմբակցությունների առաջարկությամբ ընտրում է Հանրապետության նախագահ, որը պաշտոնավարում է մինչև գործող Ազգային ժողովի լիազորությունների ժամկետի ավարտը»: Ավելի վաղ հայտնի դարձավ, որ Բակո Սահակյանին երրորդ նախագահական ժամկետի կառաջադրեն: Բակո Սահակյանը ստանձնել է Արցախի նախագահի պաշտոնը 2007-ին, վերընտրվել՝ 2012-ին: ԼՂՀ-ում կայացած սահմանադրական փոփոխությունները ենթադրում են նախագահի անուղղակի ընտրություններ՝ խորհրդարանի քվեարկությամբ, 2017-2020թթ. ժամանակաշրջանի համար: 2020թ.-ից ընտրությունները կրկին ուղղակի են լինելու և անցկացնվելու են խորհրդարանական ընտրությունների հետ համատեղ:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
