  Զախարովա. ԼՂ հիմնահարցը ՌԴ արտաքին քաղաքականության գերակայություններից է 18 օգոստոսի 2017 - 13:15 AMT PanARMENIAN.Net - Ռուսաստանը միշտ էլ աջակցել է ղարաբաղյան հակամարտության գոտում լարվածության նվազեցմանն ուղղված քայլերին: Այդ մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ նշելով, որ այժմ ԵԱՀԿ Մինսկի խմբի համանախագահներն աշխատում են ղարաբաղյան կարգավորմանը նվիրված հերթական գագաթնաժողովի կազմակերպման վրա: «Այդ նպատակով 2017-ի հուլիսին համանախագահները Բրյուսելում բանակցություններ անցկացրին Հայաստանի ու Ադրբեջանի ԱԳ նախարարների հետ: Խորհրդակցությունները սեպտեմբերի երկրորդ կեսին կշարունակվեն Նյու Յորքում՝ ՄԱԿ-ի գլխավոր ասամբլեայի հերթական նիստի շրջանակում: Դրանց արդյունքում համապատասխան հայտարարություն կարվի»,- նշել է նա: Զախարովայի խոսքով, ՌԴ-ն անում է հնարավորը՝ իրավիճակը կայունացնելու ու բանակցությունների համար բարենպաստ պայմաններ ստեղծելու համար: «Հենց այդ մոտեցումն էր գերիշխում Մոսկվայում ապրիլինի կայացած Հայաստանի ու Ադրբեջանի ԱԳ նախարարների հանդիպման ժամանակ»,- ասել է նա: ՌԴ ԱԳՆ պաշտոնական ներկայացուցիչը նաև ընդգծել է, որ Ռուսաստանում ղարաբաղյան թեմային հատուկ ուշադրություն է դարձվում, այն ՌԴ արտաքին քաղաքականության գերակայությունների թվում է:    Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
