2018-ին կենսաթոշակները չեն բարձրանա 7 հոկտեմբերի 2017 - 12:35 AMT PanARMENIAN.Net - 2018-ի պետական բյուջեի մուտքերը նախատեսվում են 1 տրիլիոն 300 միլիարդ դրամ, ծախսերը՝ 1 տրիլիոն 460 միլիարդ դրամ, դեֆիցիտը՝ շուրջ 156 միլիարդ դրամ: Այս մասին հայտարարել է ԱԺ ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը լրագրողների հետ հանդիպմանը: Նա միաժամանակ տեղեկացրել է, որ 2018-ին կենսաթոշակների ավելացում չի նախատեսվում, գրում է Panorama.am-ը: «Այս պարագայում 2018-ին պետական պարտք-ՀՆԱ հարաբերակցությունը կմոտենա 58 տոկոսի: Եկող տարվա դեֆիցիտը էապես պայմանավորված է հենց այդ հանգամանքով: Գործնականում մենք չենք ավելացրել պետական բյուջեի դեֆիցիտը: Երկու տարի շարունակ մենք ունենում ենք ոչ թե գնաճ, այլ գնանկում: Այդուհանդերձ եկող տարվա համար ևս նախատեսում ենք 4 +-1,5 տոկոս»,- ասել է բանախոսը: Գագիկ Մինասյանն ուշադրությունը հրավիրել է այն հանգամանքի վրա, որ ընթացիկ տարվա համար 3,4 տոկոս տնտեսական աճ էր սահմանվել, սակայն իրողությունները խոսում են այն մասին, որ այդ ցուցանիշները կգերազանցվեն: Պատճառը ծառայությունների և արդյունաբերության ոլորտում ակնկալվող տնտեսական աճն է: «Եկող տարվա բյուջեում որևէ սոցիալական ուղղվածության ծառայություն չի պակասելու: Ճիշտ է, որոշակի ոլորտներում մենք ունենք ֆինանսավորման նվազեցում, սակայն կան նաև ոլորտներ, որտեղ ծառայությունները մատուցվելու են ավելի էժան գներով, մասնավորապես՝ առողջապահության բնագավառում: Խոսքն, օրինակ, սրտի վիրահատությունների մասին է»,- նշեց տնտեսագետ պատգամավորը: Ասուլիսի ավարտին Գագիկ Մինասյանն ընդգծել, որ փորձ է արվում բյուջեի դեֆիցիտի ֆինանսավորումն իրականացնել ներքին աղբյուրների հաշվին: Ավելի վաղ հայտնի դարձավ, որ պարտադիր կուտակային կենսաթոշակների համակարգի ներդրման ժամկետը չի հետաձգիվի: Այդ մասին ԱԺ նիստում հայտարարել է ֆինանսների նախարարի տեղակալ Կարեն Թամազյանը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |