Հայ պատանին կենցաղը հեշտացնող ռոբոտ է ստեղծել

Հայ պատանին կենցաղը հեշտացնող ռոբոտ է ստեղծել

PanARMENIAN.Net - 11-ամյա Դավիթ Բաղդասարյանը ռոբոտաշինությամբ հետաքրքրվում է արդեն մի քանի տարի: Նրա ստեղծած դեռևս միակ բազմաֆունկցիոնալ ռոբոտը կարողանում է վերցնել, տեղափոխել և տեղադրել առարկաները, ինչպես նաև կարդալ և հարցերի պատասխանել: Ռոբոտն ունի նաև տեսախցիկ:

PanARMENIAN.Net ին Դավիթը պատմեց, որ մարդկանց կենցաղը հեշտացնող ռոբոտ ստեղծելու մասին վաղուց է երազել:

«Ռոբոտաշինության հետ կապված բազմաթիվ գաղափարներ առաջացան «Աղուէս» ծրագիրը սովորելու ընթացքում, և ես որոշեցի որքան հնարավոր է շատ բան իմանալ այս բնագավառի մասին»,-ասաց նա:

Դավիթը բազմաֆունկցիոնալ ռոբոտը պատրաստել է նախկինում իր սարքած մի քանի այլ ռոբոտների համադրությամբ: «Երկու ամսում եմ պատրաստել ռոբոտը՝ Arduino IDE և Snap4arduino ծրագրերի միջոցով»,- ասաց նա:

Պատանին մտադիր է կատարելագործվել ռոբոտաշինության բնագավառում: Այժմ նա պատրաստվում է բերք հավաքող ռոբոտ ստեղծել:

 Ուշագրավ
Ըստ Քերոբյանի, առնվազն 20 մլրդ դրամ հարկ կհավաքվի
Ընկերության համահիմնադիր Դավիթ Բաղդասարյանի խոսքով՝ ներդրման ընդհանուր չափը $17․5 մլն է
Խոսելով Ինժեներական քաղաքի մասին՝ Արշակյանը տեղեկացրել է, որ 7 ընկերություն հայտ է ներկայացրել
Krisp-ը 1 տարվա ընթացքում 0-ից 600 կորպորատիվ բաժանորդ է ձեռք բերել
---