Միջազգային հանրությունը դատապրտում է Հայաստանին մարտի 1-ի համար, նրանք հետաքրքրված չեն հարցնելու կամ իմանալու, թէ ո՛վ եւ ինչի՛ համար է պատասխանատու20 մարտի 2008 - 17:25 AMT PanARMENIAN.Net - Հայաստանի դիմագիծը հարվածներ է ստացել Երեւանի անկարգությունների եւ զոհերի պատճառով: Եւ երբ միջազգային հանրությունը պահանջում է իրավիճակի քննություն, նրանք հետաքրքրված չեն հարցնելու կամ իմանալու, թէ ո՛վ եւ ինչի՛ համար է պատասխանատու, հայտարարել է Հայաստանի արտգործնախարար Վարդան Օսկանյանը: «Նրանք դա դիտում են որպես հայկական քաոս, հայկական ողբերգություն, հայկական խնդիր եւ դատում են բոլորիս միասին: Դա կառավարությունը չէ, որ վնասվել է, դա ընդդիմությունը չէ, որ հեղինակազրկվել է, դա Հայաստանն է անպատվության ենթարկվել: Մենք պէտք է ընդունենք նրանց քննադատությունը, լսենք նրանց հիասթափության մասին, կիսենք նրանց վրդովմունքը եւ փորձենք համոզել, որ դա հարատեւ հետընթաց չէ, այլ ժամանակավոր շեղում է այն ճանապարհից, որը մենք հանձն առել ենք անցնել: Հուսով եմ չեմ սխալվում: Այն ինչ տեղի կունենա մոտակա շաբաթների եւ ամիսների ընթացքում, կդառնա մեզ համար քննություն: Առավել ոգեւորիչն այն փաստն է, որ, չնայած այս ամենին, Հայաստանի հանդեպ բարի կամեցողություն կա, մեծ հույս կա եւ անկեղծ ցանկություն` տեսնելու մեզ որպես այս ամենը իրապես հաղթահարող երկիր, եւ ոչ որպես արհեստականորեն առաջ ընթացող: Սա Սփյուռքի համար նույնպես մարտահրավեր է: Սփյուռքը խորապես ցնցված եւ հիասթափված է իրադարձությունների նմանատիպ զարգացումներից, ինչպես մենք բոլորս: Հիմա Հայաստանի եւ Սփյուռքի համար բեւեռացված եւ կաթվածահարված իրադրության միջով անցնելու, վստահության ձեւավորման եղանակներ գտնելու, մշտական եւ շարունակական պարտավորությունների խրախուսման ժամանակն է` համակարգային փոփոխությունների պնդելու եւ աջակցելու նպատակով: Այլ խոսքով, շարունակելու պետականաշինության բարդ խնդիրը: Սակայն Սփյուռքը չի կարող, ինչպես ոմանք առաջարկեցին, Հայաստանը բոյկոտել, հայաստանյան կազմակերպությունները մերժել, եւ մեղադրել Հայաստանին` իրենց երազանքների երկիրը չլինելու համար: Ես հասկանում եմ հիասթափությունը, սակայն չեմ հասկանում ակնկալիքները կամ հակազդեցությունը: Սա այն պահն է, երբ մենք Հայաստանում Սփյուռքի կարիքն ունենք, երբ Սփյուռքը պետք է ասի այն, ինչ միջազգային հանրությունն է ասում. մենք հիասթափված ենք կատարվածից եւ պատրաստ ենք աշխատելու միասին` Հայաստանն այս ճգնաժամից դուրս բերելու համար: Հիմա ընտանիքից հրաժարվելու ժամանակը չէ: Հիմա համակարգված եւ միասնական աշխատանքի ժամանակն է»,- հայտարարել է Վարդան Օսկանյանը «Ազդակ» թերթին տված հարցազրույցում: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |