Զինկոմիսարիատների աշխատողները գործադիրի դիմաց բողոքում են օպտիմալացման դեմ16 մայիսի 2018 - 11:31 AMT PanARMENIAN.Net - Կառավարության շենքի մոտ բողոքի ակցիա են իրականացնում հանրապետության մոտ 11 զինկոմիսարիատի աշխատակիցներ։ Նրանք բողոքում են զիկնոմիսարիատներում իրականացվող օպտիմալացման դեմ: Ցուցարարները պահանջում են հանդիպում վարչապետ Նիկոլ Փաշինյանի հետ,հայտնում է «Ազատություն» ռադիոկայանը։ «Մեր հիմնական հարցն օպտիմալացման հետ է կապված, մենք դեմ ենք նախկին իշխանության այդ որոշմանը, որովհետև սա ևս մեկ անգամ ապացուցում է, թե երկիրը ոնց ենք տանում ճահիճ ՝ մանավանդ մեր բանակը, մեր զինվորական կազմակերպությունները։ Այն ժամանակ 47 հոգանոց կոլեկտիվը, որն իրականացնում էր զորակոչ, զորահավաք, մոբիլիզացիա, զորակոչը մի կերպ անում էր տանջանքով, զորահավաքը, երբ 200-250 մարդ պետք է տանել ուսումնավարժական հավաքների, մի կերպ իրականացվում էր: Այսօր եթե կրճատեցին, դարձրեցին 17-18 հոգի ո՞նց ենք իրականացնելու», - ասել է ցուցարարներից մեկը: Մեկ այլ ցուցարար հավելել է. «Սահմանամերձ շրջանի զինկոմիսարիատում թողնել են 3 հոգի՝ ինչպե՞ս են այդ մարդիկ հարկ եղած դեպքում մոբիլիզացիա իրականացնելու»։ Ակցիայի մասնակիցների հետ հանդիպել է կառավարության աշխատակազմի նամակների ընդունման և հանձնման վարչության պետ Ալեքսանդր Ղազարյանը, լսել է նրանց բողոքն ու խորհուրդ տվել գնալ պաշտպանության նախարարություն՝ չբացառելով, որ քաղաքացիներին կընդունի նորանշանակ նախարար Դավիթ Տոնոյանը։ ՀՀ պաշտպանության նախկին նախարար Վիգեն Սարգսյանը ԱԺ-ում «Պաշտպանության մասին» օրենքի քննարկման ժամանակ հայտարարել էր, որ Նախատեսվում է զինկոմիսարիատների թվի կրճատում, խոշորացում: «Այն ենթադրում է զինկոմիսարիատների թվի կրճատում, խոշորացում, հնարավորությունների ավելացում, դրանց բացազատման սխեմաների սահմանում պատերազմական վիճակի համար և դրանցում քաղաքացիական հաստիքների թվի ավելացում», - ասել էր նախկին պաշտպանության նախարարը։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Փաշինյան. ՌԴ նախագահի երդմնակալությանը մասնակցելու հրավեր, կարծես, չեմ ստացել Նա նաև ասել է, որ տարօրինակ կլիներ, եթե ՀՀ ղեկավարն ամեն տարի մասնակցեր մայիսի 9-ի շքերթին Վարչապետ․ Սահմանային սյուները ՀՀ անվտանգության երաշխիքի սյուներ են, եթե գործընթացը կասեցվի` պատերազմ կլինի Նա ասել է, որ պետք է ամեն ինչ անել սահմանային սյուները շատացնելու համար Փաշինյանը` ՀՀ նպատակների մասին․ Թուրքիայի և Ադրբեջանի հետ թշնամության կառավարում, նվազեցում, զրոյացում Նա ասել է, որ այս համատեքստում կառավարությունը հատուկ կարևորություն է տալիս «Խաղաղության խաչմերուկ» նախագծին Փաշինյան․ Սահմանազատումն արվում է ԽՍՀՄ վերջին քարտեզների հիման վրա, 1988–ի սահմանազատումն իրավական ուժ չունի Նա, սակայան, չի նշել, թե կոնկրետ որ թվականի քարտեզի մասին է խոսքը |