Երկրից դուրս հաշվառված հայաստանցիներին չեն ընդգրկի ընտրացուցակներում 16 մայիսի 2018 - 23:59 AMT PanARMENIAN.Net - ԱԳՆ-ոստիկանություն-հանրապետական զինկոմիսարիատ եռակի կապի հենքի վրա գործարկվելու է հյուպատոսական հաշվառման էլեկտրոնային համակարգը, որը հնարավորություն է ընձեռելու առանց հյուպատոսական ծառայություն ներկայանալու տնից՝ էլեկտրոնային եղանակով, կանգնել հյուպատոսական հաշվառման: Այս մասին է հայտնել ոստիկանության անձնագրային և վիզաների վարչության պետ Մնաական Բիչախչյանը ֆեյսբուքյան իր էջում։ Այն դեպքում, երբ քաղաքացին կընտրի 183 օրից ավելի ժամկետով հյուպատոսական հաշվառման կանգնելու եղանակը, տվյալներն ավտոմատ եղանակով փոխանցվելու են ոստիկանություն. այդ դեպքում անձը կհանվի ՀՀ բնակության վայրի հաշվառումից և կհաշվառվի օտարերկրյա պետության բնակության վայրի հասցեով: Ովքեր կհաշվառվեն այլ պետության հասցեով, չեն ընդգրկվի ընտրողների ցուցակներում: Որոշումը նպաստելու է նաև ընտրողների ցուցակների նկատմամբ հանրային վստահության բարձրացմանը, նշել է Բիչախչյանը։ Ընդդիմությունը տարիներ շարունակ մեղադրում էր Հանրապետական կուսակցությանը և նախկին իշխանություններին ընտրողների ուռճացված ցուցակներ ներկայացնելու մեջ, պնդելով, որ երկրից բացակայող անձանց անունից քվեարկություն է կատարվում։ Վարչապետ ընտրված Նիկոլ Փաշինյանի խոստումներից մեկը թափանցիկ ու վստահելի ընտրողների ռեգիստր ստեղծելն էր։   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը  Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումըԱդրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը»Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ |
