Վարչապետ. ՀՔԾ քննիչների աշխատասենյակում ՀՀ որևէ պաշտոնյայի լուսանկար չպետք է լինի

Վարչապետ. ՀՔԾ քննիչների աշխատասենյակում ՀՀ որևէ պաշտոնյայի լուսանկար չպետք է լինի

PanARMENIAN.Net - Հատուկ քննչական ծառայության քննիչների աշխատասենյակներում ՀՀ որևէ բարձրաստիճան պաշտոնյայի լուսանկար չպետք է լինի: Այդ մասին հայտարարել է վարչապետ Նիկոլ Փաշինյանը՝ ներկայացնելով աշխատակիցներին ՀՔԾ նորանշանակ պետ Սասուն Խաչատրյանին:

«Դա պայմանավորված է նրանով, որ հատուկ քննչական ծառայությունը զբաղվում է այնպիսի գործերով, որոնցով կարող է առնչություն ունենալ նաև այդ պաշտոնյաների հետ», - հավելել է վարչապետը:

Նա նշել է, որ ՀՔԾ քննիչների աշխատասենյակներում պետք է լինի միայն ՀՀ զինանշանը և դրոշը։

Փաշինյանը հայտարարել էր նաև, որ Հատուկ քննչական ծառայության կարևորագույն գործերից մեկը պետք է լինի մարտի 1-ի ոճրագործության բացահայտումը:

Հունիսի 8-ին, կառավարության որոշմամբ, Վահրամ Շահինյանն ազատվել է Հատուկ քննչական ծառայության պետի պաշտոնից` սեփական դիմումի համաձայն։ Այդ պաշտոնում նշանակվել է Սասուն Խաչատրյանը:

 Ուշագրավ
ՌԴ ԱԴԾ տվյալներով, 2022-ի հուլիս-սեպտեմբերին ՌԴ-ից ՀՀ է մեկնել 267,000 մարդ
Բերման է ենթարկվել Երևանում ՀԱՊԿ նիստերի և Պուտինի այցի դեմ բողոքի ակցիայի կազմակերպիչ Տիգրան Խզմալյանը
---