Վրաստանի քաղաքացին քրեական պատասխանատվության կենթարկվի ՀՀ դեսպանին պատանդ վերցնելու կոչի համար 5 հուլիսի 2018 - 16:10 AMT PanARMENIAN.Net - Վրաստանի քաղաքացին քրեական պատասխանատվության կենթարկվի Վրաստանում ՀՀ դեսպանին պատանդ վերցնելու կոչի համար: Այդպիսի կոչ էր հրապարակվել սոցցանցերում 2016-ի ապրիլյան քառոօրյա պատերազմի օրերին: Ըստ քրգործի նյութերի, ահաբեկչության հրապարակային կոչերի համար մեղադրվողը Վրաստանի քաղաքացի է: Գործը «գաղտնի» կնիքի տակ է, սակայն, ըստ IPN գործակալության, որոշ մանրամասներ հայտնի են դարձել: Մասնավորապես, ըստ այդ նյութերի, երբ 2016-ին ռազմական գործողություններ սկսվեցին Լեռնային Ղարաբաղում, գործով անցնող անձը Վրաստանում ապրող ադրբեջանցիներին Facebook-ով կոչ էր արել հավաքվել ՀՀ դեսպանատան մոտ: Իր գրառման մեջ նա գրել էր նաև, որ պետք է այրել Հայաստանի դրոշը, ներխուժել դեսպանատուն և պատանդ վերցնել դեսպանին, հայտնում է «Գրուզիա օնլայնը»: Կոչի հետևանքով հետագա գործողություններ չեն եղել, սակայն, 2 տարի անց նրա նկատմամբ քրեական հետապնդում է սկսվել: Վրաստանի իրավապահներն այդ ընթացքում պատասխանի էին սպասում Facebook-ից, որը պետք է հաստատեր, որ նա է այն օգտատերը, որի հանդեպ նախատեսվում է քրեական հետապնդում սկսել: Այդ անձին պաշտոնապես մեղադրանք առաջադրելուց հետո որպես խափանման միջոց է ընտրվել գրավի դիմաց չհեռանալու ստորագրությունը: Ներկայումս դատարանը քննում է գործոը: 2016-ի ապրիլի 2-ի վաղ առավոտյան, Ադրբեջանը լայնամասշտաբ ռազմական գործողություն սանձազերծեց Արցախի հետ շփման գծի ամբողջ երկայնքով: Առճակատումը տևեց 4 օր՝ հետագայում ստանալով Քառօրյա պատերազմ կամ Ապրիլյան պատերազմ անվանումը։ Առավել թեժ մարտեր են ընթացել ռազմաճակատի վերածված առաջնային գծի հարավային՝ Հադրութի, և հյուսիսարևելյան՝ Մարտակերտի ուղղություններով։ Ադրբեջանական կողմը լայնածավալ հարձակողական գործողություններում կիրառեց իր զինանոցում եղած ռազմական տեխնիկայի գրեթե բոլոր հնարավոր տեսակները։ Ապրիլի 2-5-ն ընթացած մարտական գործողությունների ընթացքում հայկական կողմի կորուստները կազմել են 64 զինծառայող, 13 կամավորական, 4 քաղաքացիական անձ (81 կորուստ) և 120-ից ավելի վիրավոր (ևս 9 զինածայող զոհվել էր պատահարների արդյունքում ակտիվ մարտական գործողությունների դադարեցումից հետո, մինչև ապրիլի 13-ը ընկած ժամանակահատվածում, մի քանիսը՝ մահացել էին ավելի ուշ, հոսպիտալներում): Պետդեպի հայտնած տվյալներից հետևում է, որ 81 հայկական զոհերից բացի, մոտ 270 ադրբեջանցի զոհ է եղել: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |