Աղթամարի հայկական գերեզմանոցը վերածվել է ժամանցավայրի

PanARMENIAN.Net - Վանի Աղթամար կղզու Սուրբ Խաչ եկեղեցուն կից հայկական գերեզմանոցը վերածվել է ժամանցավայրի:

Չնայած որ կղզում կան անվտանգության աշխատակիցներ, այնուամենայնիվ, զբոսաշրջիկները քայլում են գերեզմանոցի միջով և նույնիսկ զբոսախնջույք անում և աղտոտում տեղանքը, հայտնում է Ermenihaber-ը Anfnews-ի վրա հղումով:

10-րդ դարի քանդակագործությանը բնորոշ մոտիվներով քանդակված շիրմաքարերի մեծ մասն այժմ ավերված է:

Բացի այն, որ զբոսաշրջիկները ժամանցային վայրի են վերածել հայկական պատմական գերեզմանոցը, նաև մեծ վնաս են հասցնում առանց այդ էլ կիսաքանդ շիրմաքարերին:

Այն զբոսաշրջիկները, որոնք պահանջում են հարգել շիրմաքարերը, հայտնում են, որ Թուրքիան գիտակցելով, որ եկեղեցու շրջակայքը աղտոտվում է և վնաս հասցվում թե' եկեղեցուն և թե' շրջակայքում գտնվող գերեզմանոցին, դիտավորյալ չի վերահսկում:

Չնայած այս ամենին, @wu8qian մեծ գումարներ է վաստակում կղզի այցելող զբոսաշրջիկներից:

Թուրքական իշխանությունները արգելել էին պատարագ մատուցել, Սուրբ Խաչ եկեղեցում սակայն 4 տարի տևած դադարից հետո 2018-ին կրկին պատարագ է մատուցվելու: Աղթամար կղզու եկեղեցին կառուցվել է 915-921թ. ճարտարապետ Մանվելի կողմից Վասպուրականի թագավոր Գագիկ 1-ինի հրամանով: Գերեզմանոցը գտնվում է եկեղեցու հարավային և հարավ-արևմտյան հատվածում: