Փաշինյանը՝ Մարգարյանին. Ուզում եմ ձեզ հուսախաբ անել՝ զենքի մատակարարումն ընթանում է բնականոն

Փաշինյանը՝ Մարգարյանին. Ուզում եմ ձեզ հուսախաբ անել՝  զենքի մատակարարումն ընթանում է բնականոն

PanARMENIAN.Net - ՀՀ վարչապետի պաշտոնակատար Նիկոլ Փաշինյանը Վանաձորում նախընտրական հանդիպման ընթացքում պատասխանել է «Հայ Յեղափոխական Դաշնակցության» բյուրոյի ներկայացուցիչ Հրանտ Մարգարյանի այն հայտարարությանը, թե «Թավշյա հեղափոխությունից ի վեր ՀՀ սպառազինություն չի մտել»:

«Քիչ է մնում ասեն՝ Հայաստանին մայիսից զենք չի մատակարարվել, հարձակվեք, դուք այդ կողմից, մենք այս: Հայաստանին զենքի մատակարումն ընթանում է բնականոն պլանավորված ձևով: Այս առումով ուզում եմ ձեզ հուսախաբ անել», – դիմելով Մարգարյանին ասել է Փաշինյանը:

Նա հորդորել է խոսել այն ամեն մասին, ինչ տեղի է ունեցել մայիսից առաջ բանակին զենքի ու սպառազինության մատակարարման հետ:

«Հայ Յեղափոխական Դաշնակցության» բյուրոյի ներկայացուցիչ Հրանտ Մարգարյանն ասել էր, ոև մայիսից այս կողմ Հայաստան զինամթերք չի մտել:

«Պատերազմող երկիր ենք, ո՞վ է սրա պատասխանը տալու»,- ասել էր Մարգարյանը։

 Ուշագրավ
Նա մեկնել է կարճատև աշխատանքային այցով
ԱԳՆ-ից նշել են, որ միջոցներ են ձեռնարկելու տեղում հրադադարի ռեժիմի պահպանման և ստուգման մեխանիզմների ներդրման համար
ՀՀ վարչապետ Նիկոլ Փաշինյանը ակնարկել է, որ ստացել է նման երաշխիք ռուսական կողմից
Նախարարը նշել է, որ հանդիպում է բողոքող այն խմբերի հետ, որոնք օրակարգ ունեն, իսկ իր օրակարգի հարցը ոլորտի բարեփոխումներն են և ոլորտ նորություն բերելը