Մադուրոն փակել է դեսպանատունն ԱՄՆ-ում. Նա մտադիր է պահպանել պաշտոնը25 հունվարի 2019 - 11:33 AMT PanARMENIAN.Net - Վենեսուելայի նախագահ Նիկոլաս Մադուրոն որոշում է կայացրել փակել Վենեսուելայի դեսպանատունն ու հյուպատոսությունն ԱՄՆ-ում: Նա այդպես է պատասխանել ԱՄՆ-ին Վենեսուելայի խորհրդարանի ղեկավար, ընդդիմության փաստացի առաջնորդ Խուան Գուաիդոյին Վենեսուելայի ղեկավար ճանաչելու Վաշինգտոնի որոշմանը: Ըստ Մադուրոյի, ինքը մտադիր չէ հեռանալ Վենեսուելայի նախագահի պաշտոնից: Նա հավելել է նաև, որ երբեք չի հրաժարվի իր հայրենիքի առջև ստանձնած պարտավորություններից, գրում է Gazeta.ru-ն: Մինչդեռ Վենեսուելայում շարունակվում են զանգվածային բողոքները՝ ինչպես Մադուրոյի կողմնակիցների, այնպես էլ հակառակորդների, ընդ որում վերջիններիս քանակը շարունակ աճում է: Տեղի Foro Penal իրավապաշտպան կազմակերպությունը հայտնել է, որ 328 մարդ է ձերբակալվել: Չնայած ծանր տնտեսական վիճակի պատճառով Վենեսուելայում նախկինում ևս զանգվածային բողոքի ցույցեր են եղել, այս անգամ, ըստ Washington Post-ի, զգալի է նաև բանվորական դասի ներկայացուցիչների մեծ քանակը, որոնք նախկինում համարվում էին Մադուրոյի հենարանը: Որպես երկրի օրինական ղեկավար Գուաիդոյին արդեն ճանաչել են ԱՄՆ-ն, Լատինական Ամերիկայի որոշ երկրներ, Կանադան, Վրաստանը, Ալբանիան: Ցուցացարներին իր աջակցությունն է հայտնել նաև Ֆրանսիայի նախագահ Մակրոնը: Կատարվող իրադարձությունները հակասահմանադրական է համարում Ռուսաստանը: Մադուրոյին աջակցություն է հայտնել Թուրքիայի նախագահ Էրդողանը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Օսկանյան. Արցախի հարցը փակված չէ Նա նշել է, որ Հայաստանն այսքան խոցելի է դարձել հիմնականում այն պատճառով, որ մենք կորցրել ենք Արցախը Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի |