  Հայաստանում մեկնարկել են ՀԱՊԿ-ի «Ռուբեժ-2008» զորավարժությունները22 հուլիսի 2008 - 15:41 AMT PanARMENIAN.Net - Հայաստանում մեկնարկել են Հավաքական անվտանգության պայմանագրի կազմակերպության` ՀԱՊԿ-ի «Ռուբեժ-2008» զորավարժությունները: Զորավարժություններին մասնակցում են շուրջ 4 հազար զինծառայողներ Հայաստանից, Ռուսաստանից եւ Տաջիկստանից: «Զորավարժությունների երկու առաջին փուլերը կկրեն քաղաքական բնույթ: Դրանց նպատակն է լարված իրավիճակի կարգավորումը խաղաղ ճանապարհով»,-բացմանը հայտարարել է ՀԱՊԿ գլխավոր քարտուղար Նիկոլայ Բորդյուժան: Իր հերթին ՀՀ պաշտպանության նախարար Սեյրան Օհանյանը նշեց, որ զորավարժություններն ունեն ռազմավարական նշանակություն միջազգային եւ տարածաշրջանային կայունության եւ անվտանգության պահպանման համար: «Զորավարժությունների ընթացքում կհամակարգվեն միավորված ուժերի գործողությունները լոկալ պատերազմներում եւ զինված բախումներում: Միասին մենք կկարողանանք դիմակայել կազմակերպության երկրների ռազմական սպառնալիքներին»,-ընդգծել է Օհանյանը: «Ռուբեժ» զորավարժությունները անց են կացվում ամեն տարի 2005թ, ի վեր: Մինչ այժմ դրանք անցել են միայն Կենտրոնական Ասիայի երկրներում` Ղազախստանում, Ղրղզստանում եւ Տաջիկստանում: ՀԱՊԿ-ին անդամակցում են ԱՊՀ յոթ երկրներ` Հայաստանը, Բելառուսը, Ղազախստանը, Ղրղզստանը, Տաջիկստանը, Ուզբեկստանը եւ Ռուսաստանը: Ներկայումս ՀԱՊԿ-ի նախագահն է Հայաստանը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
