Փաշինյանի պատասխանը մեղադրանքներին. Տրանսգենդերին ՀՀԿ-ի իշխանությունն է կնոջ անունով անձնագիր տվել 9 ապրիլի 2019 - 11:18 AMT PanARMENIAN.Net - Նորագավիթի մաքսակետում ՀՀ վարչապետ Նիկոլ Փաշինյանը լրագրողների հետ զրույցում անդրադարձել է ԱԺ մարդու իրավունքների մշտական հանձնաժողովի կազմակերպած լսումների ընթացքում տրանսգենդերի ելույթի շուրջ առաջացած աղմուկին: Վարչապետը նշել է, որ խորհրդարանում ելույթ ունեցած Լիլիթ Մարտիրոսյան այդ անուն ազգանունով անձնագիր է ստացել 2015 թվականին՝ ՀՀԿ-ականների իշխանության օրոք, իսկ անձնագրում սեռը նշվել է արական: «Հանրապետական կուսակցության որոշ ներկայացուցիչներ հիմա շատ ակտիվ հարց են քննարկում և իշխանության առաջ հարց են դնում, թե այս ինչ է կատարվում: Ես ուզում եմ ասել հետևյալը՝ 2015 թվականին Հայաստանի իշխանությունը՝ պահպանողական իշխանությունը, ընտանեկան արժեքների պահապան իշխանությունը, ինչպես իրենք են իրենց անվանում, ՀՀ քաղաքացի Վաղարշակ Մարտիրոսյանի անձնագիրը վերցրել է և նրան տվել է Հայաստանի քաղաքացի Լիլիթ Մարտիրոսյանի անձնագիր ու սեռը նշել արական: Հանրապետականների շարքում ընդունված է, որ արական սեռի ներկայացուցիչների անունը Լիլիթ է: Այն պահին, երբ Հանրապետական իշխանությունը այդ մարդուն տվել է ՀՀ քաղաքացու անձնագիր, Լիլիթ Մարտիրոսյան, սեռը՝ արական, նրան ընդգրկել է ընտրական ցուցակների մեջ, ուրեմն նրան օժտել է ՀՀ քաղաքացու բոլոր իրավունքներով ու պարտականություններով: Ու այսօր հանրապետականները, որ իրենց ասում էի գեյ ակտիվիստ եք, չէին հավատում: Իրենք էդ կարգավիճակից չէին կարող խուսափել և սա ևս մեկ ապացույց է: Այդ ու՞մ են եկել ինչի մեջ մեղադրում», - ասել է վարչապետը: Նա անդրադարձել է «Բարգավաճ Հայաստան» խմբակցության պատգամավորների մեղադրանքներին: «ԲՀԿ-ն ինչի՞ց է բողոքում, որ իրենց կուսակցության ներկայացուցիչը ստորագրել է ցուցակը: Այդ ցուցակը ստորագրել է Նաիրա Զոհրաբյանը և այդ ցուցակով ընդգրկվել է: Երբ իմացա, մտածեցի, որ լավ կազմակերպված պրովոկացիա է հեղափոխության և կառավարության դեմ: Բայց կա մյուս երեսը՝ մարդու իրավունքների պաշտպանության հանձնաժողովի լսում էր: Հիմա հարց եմ տալիս բոլորին՝ ՀՀ քաղաքացու անձնագիր ստացած Լիլիթ Մարտիրոսյանը մա՞րդ է, թե մարդ չէ: Թող բոլորն այս հարցին պատասխանեն՝ հոգևորականները, հանրապետականները, բարգավաճականները, պահպանողականները: Երկրորդ՝ այն պահվածքը, որ այս ամենի վերաբերյալ ցուցաբերում է Ազգային ժողովի մարդու իրավունքների պաշտպանության հանձնաժողովի նախագահը, ընդհանրապես կասկածի տակ է դնում Հայաստանում մարդու իրավունքների վիճակը: Այդ պրովոկացիայի կազմակերպման ընթացքում ԲՀԿ-ն պետք է մտածի, ընդհանրապես, մարդու իրավունքների պաշտպանության հանձնաժողովի նախագահը արդյոք մարդու իրավունքների պաշտպանության հանձնաժողովի նախագահ է և ինքը ընդհանրապես համապատասխանո՞ւմ է մարդու իրավունքների պաշտպանության հանձնաժողովի նախագահ լինելու անհրաժեշտ նվազագույն չափանիշներին», - ասել է վարչապետը: Նա նաև նշել է, որ սա քաղաքական պրովոկացիա է, որ թիրախներն ուղղեն «Իմ քայլը» խմբակցության դեմ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Միրզոյանը՝ Ալմաթիում․ Կարող ենք ավելի հեռուն գնալ՝ ապաշրջափակելով տարածաշրջանի բոլոր կոմունիկացիաները Նա նշել է, որ սահմանազատման գործընթացը պետք է անցնի Ալմաթիի հռչակագրի հիման վրա Ադրբեջանագետ․ Ադրբեջանական մամուլը ստանձնել է Փաշինյանի տեղեկատվական աջակցի ֆունկցիան «Սա այն ամենն է, ինչ պետք է իմանալ ՔՊ-ական «ինքնիշխանության» մարտիկների վարած քաղաքականության արդյունքների մասին»,–գրել է նա Ալմաթիում մեկնարկել է ՀՀ և Ադրբեջանի ԱԳ նախարարների ղեկավարած պատվիրակությունների հանդիպումը Մինչ հանդիպումը Միրզոյանին և Բայրամովին առանձին ընդունել է Ղազախստանի փոխվարչապետ, ԱԳ նախարար Մուրատ Նուրտլաուն Կոնջորյան. Չի ստացվելու զավթել իշխանությունը, անկախ նրանից՝ ինչ տեսքով կգան՝ մի օր փողկապով, մի օր վեղարով Նա ասել է, որ իրենք ժողովրդի տված մանդատով ձևավորված մեծասմանություն են |