Երեւանի եւ Բեռնի միջեւ ակտիվ քաղաքական երկխոսությունը կնպաստի տնտեսական կապերի ամրապնդմանը
Հոկտեմբերի 9-ին Հայաստանի ԱԳ փոխնախարար Գեղամ Ղարիբջանյանն ընդունել է Շվեյցարիայի Ազգային խորհրդի պատվիրակությանը` Շվեյցարիա-Հայաստան բարեկամության խորհրդարանական խմբի համանախագահներ, պատգամավորներ Դոմինիկ դը Բումանի (Dominique de Buman) եւ Ուելի Լոյենբերգերի (Ueli Leuenberger) գլխավորությամբ: Այդ մասին anARMENIAN.Net-ին հաղորդել են ՀՀ ԱԳՆ մամլո ծառայությունում: Շվեյցարիայի խորհրդարանականները երախտագիտություն հայտնեցին ցուցաբերված ջերմ ընդունելության համար: Նրանք բարձր գնահատեցին հայ-շվեյցարական բարեկամական հարաբերությունները` նշելով, որ դրանց հիմքում ընկած են Հայաստանի եւ Շվեյցարիայի ժողովուրդների միջեւ դարավոր պատմամշակութային կապերը:
Գեղամ Ղարիբջանյանն իր հերթին գոհունակություն արտահայտեց հայ-շվեյցարական հարաբերությունների բարձր մակարդակի առնչությամբ` նշելով, որ Հայաստանը շահագրգիռ է դրանց հետագա զարգացման ու խորացման գործում: Երկկողմ հարաբերությունների զարգացման առումով ՀՀ ԱԳ փոխնախարարը կարեւորեց Հայաստանում Շվեյցարիայի դիվանագիտական ներկայացուցչության բացումը, իրավապայմանագրային դաշտի ընդլայման ուղղությամբ տարվող աշխատանքը եւ արդեն արձանագրված առաջընթացը:
Երկուստեք հույս հայտնվեց, որ քաղաքական ակտիվ երկխոսությունը կնպաստի Հայաստանի եւ Շվեյցարիայի միջեւ տնտեսական կապերի խորացմանը: Հյուրերի խնդրանքով փոխնախարար Ղարիբջանյանը ներկայացրեց Հայաստանի դիրքորոշումը հարավկովկասյան տարածաշրջանում վերջին իրադարձությունների, արցախյան հիմնահարցի կարգավորման բանակցային գործընթացի եւ հայ-թուրքական հարաբերությունների զարգացումների վերաբերյալ:
Գեղամ Ղարիբջանյանն իր հերթին գոհունակություն արտահայտեց հայ-շվեյցարական հարաբերությունների բարձր մակարդակի առնչությամբ` նշելով, որ Հայաստանը շահագրգիռ է դրանց հետագա զարգացման ու խորացման գործում: Երկկողմ հարաբերությունների զարգացման առումով ՀՀ ԱԳ փոխնախարարը կարեւորեց Հայաստանում Շվեյցարիայի դիվանագիտական ներկայացուցչության բացումը, իրավապայմանագրային դաշտի ընդլայման ուղղությամբ տարվող աշխատանքը եւ արդեն արձանագրված առաջընթացը:
Երկուստեք հույս հայտնվեց, որ քաղաքական ակտիվ երկխոսությունը կնպաստի Հայաստանի եւ Շվեյցարիայի միջեւ տնտեսական կապերի խորացմանը: Հյուրերի խնդրանքով փոխնախարար Ղարիբջանյանը ներկայացրեց Հայաստանի դիրքորոշումը հարավկովկասյան տարածաշրջանում վերջին իրադարձությունների, արցախյան հիմնահարցի կարգավորման բանակցային գործընթացի եւ հայ-թուրքական հարաբերությունների զարգացումների վերաբերյալ:
