Լավրով. Ռուս մասնագետների մուտքը ՀՀ կենսաբանական լաբորատորիաներ թույլատրող հուշագիրը շուտով կստորագրվի

Լավրով. Ռուս մասնագետների մուտքը ՀՀ կենսաբանական լաբորատորիաներ թույլատրող հուշագիրը շուտով կստորագրվի

PanARMENIAN.Net - Ռուս մասնագետների մուտքը Հայաստանում կենսաբանական լաբորատորիաներ թույլատրելու հուշագիրը մոտ ժամանակներս կստորագրվի: Այս մասին հայտնել է Ռուսաստանի արտաքին գործերի նախարար Սերգեյ Լավրովը՝ ՀՀ ԱԳՆ ղեկավար Զոհրաբ Մնացականյանի հետ համատեղ ասուլիսի ժամանակ:

«Ընդհանուր առմամաբ, ավարտված են հուշագրի տեքստի շուրջ բանակցությունները, հիմա փաստաթուղթը գտնվում է երկրների միչգերատեսչական համաձայնեցման փուլում: Հույս ունենք, որ այն կստորագրվի»,-ասել է Լավրովը:

ՌԴ ԱԳՆ ղեկավարը կարևորել է կենսաբանական անվտանգության շուրջ կապերը դաշնակիցների հետ՝ նշելով, որ այն լրացուցիչ հնարավորություններ կստեղծի կենսաբանական անվտանգության ոլորտում փոխգործակցության համար:

«Կա կոնվենցիա կենսաբանական և թունավոր նյութեր պարունակող զենքի արգելման ու դրա ոչնչացման մասին, սակայն դրանում, ԱՄՆ-ի կտրուկ առարկությունների արդյունքում, չկա վերիֆիկացիայի մեխանիզմ։ Մենք երկար տարիներ փորձում ենք այդպիսի մեխանիզմ ստեղծել, բայց ԱՄՆ-ի գործընկերները նախընտրում են խուսափել նման պայմանավորվածությունից ու տանում են նրան, որ ամբողջ աշխարհում երկկողմ մակարդակով ստեղծեն իրենց լաբորատորիաները։ Բնականաբար, մենք հետաքրքրված ենք, որ այս ոլորտում Հայաստանի հետ ունենանք լիակատար թափանցիկություն: Հենց այդ մասին էլ այսօր խոսել ենք: Այս ասին ասվում է նաև հուշագրում, որն հուսով եմ, շուտով ուժի մեջ կմտնի»,- ասել է Լավրովը։

Հոկտեմբերի 25-ին«Կոմերսանտը» գրել էր, որ նախատեսվումէ կնքել հուշագիր, ըստ որի՝ Պենտագոնի միջոցներով վերազինված և ՀՀ-ում գործող կենսաբանական լաբորատորիաներ կարող են այցելել ռուսաստանցի մասնագետները՝ այդ թվում նաև ՌԴ առողջապահության և պաշտպանության նախարարություններից:

Նշվում է, որ ԱՄՆ միջոցներով արդիականացված լաբորատորիաները, որտեղ կենսաբանական հետազոտություններ են անցկացվում, ուսումնասիրվում են վիրուսներ և շտամեր: Լաբորատորիաները գործում են Ուկրաինայում, Վրաստանում, Հայաստանում, Ղազախստանում: Մոսկվան կասկածանքով է վերաբերվում փակ ռեժիմով գործող այդ լաբորատորիաներին:

 Ուշագրավ
Նախարարը նշել է, որ հանդիպում է բողոքող այն խմբերի հետ, որոնք օրակարգ ունեն, իսկ իր օրակարգի հարցը ոլորտի բարեփոխումներն են և ոլորտ նորություն բերելը
Պատգամավորների՝ ՍԴ մասին պատկերացումները չեն համընկել և որոշ դեպքերում անընդունելի են եղել Ավետիսյանի համար։
Վարչապետը հանդիպել է Պաշտպանության նախարարության և Զինված ուժերի ղեկավար կազմի հետ
Նալբանդյանն ավելի վաղ համաձայնել էր տեսակապով զրուցելուն