Վենետիկը ջրհեղեղից 1 մլրդ եվրոյի վնաս է կրել

Վենետիկը ջրհեղեղից 1 մլրդ եվրոյի վնաս է կրել

PanARMENIAN.Net - Վենետիկը ջրհեղեղից 1 մլրդ եվրոյի վնաս է կրել: Այդ մասին հայտարարել է քաղաքապետ Լուիջի Բրունյարոն:

«Մենք քանդեցինք Վենետիկը: Խոսքը մեկ միլիարդի վնասի մասին է՝ և դա այն մասին է, ինչ արդեն եղել է, ոչ թե այսօրվա տվյալ»,-ասել է նա՝ այցելելով Սան Մարկո հրապարակ Վենետո շրջանի նահանգապետ Լուկա Ձայայի և «Լիգա» կուսակցության առաջնորդ Մատեո Սալվինիի հետ, հայտնում է ՌԻԱ Նովոստին:

Ավելի վաղ Վենետիկի քաղաքապետը գրել էր Twitter-ում, որ ստիպված էր փակել քաղաքի հրապարակները նոր «բարձր ալիքի» պատճառով, որը նոյեմբերի 15-ի առավոտյան հասել էր 153 սմ:

Ձայան իր հերթին ասել է. «Տներում, խանութներում, ամենուր ջուր է: Համատարած ավերածություն է՝ սկզբից ջուրն է բարձրանում և վնաս հասցնում, հետո մնում է աղը, որը քայքայում է պատերը, հատակը, արվեստի գործերը, խճանկարները»:

Վենետիկում կրկին սպասում են եղանակային պայմանների վատթարացման:

Հորդառատ անձրևների և անբերանպաստ եղանակի պատճառով Վենետիկում վերջին 50 տարում տեղի ունեցած ամենահզոր ջրհեղեղից տուժել է նաև Սբ Ղազար կղզին, որտեղ գտնվում է Մխիթարյան միաբանությունը:Վանքի մատենադարանը, պատկերասրահը, ձեռագրատունը չեն տուժել:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին