ՀՀ սահմանած Global IT Award-2019-ը կշնորհվի ճապոնացի Տակեո Կանադեին20 նոյեմբերի 2019 - 17:25 AMT PanARMENIAN.Net - Հայաստանի սահմանած Global IT Award մրցանակը կշնորհվի ճապոնացի գիտնական Տակեո Կանադեին։ Այդ մասին մամուլի ասուլիսի ժամանակ հայտարարել է «Սինոփսիս Արմենիա» ընկերության գործադիր տնօրեն Հովիկ Մուսայելյանը։ Global IT Award–ի հաղթողը Հայաստան կգա դեկտեմբերի 3-ին, հայտնում է Sputnik Արմենիան: Տակեո Կանադեն Քարնեգի Մելոն համալսարանի պրոֆեսոր է, Origami World տեսության հեղինակը (1981 թվականին տեսություն է ստեղծել այն մասին, թե ինչպես մեկ նկարից վերականգնել եռաչափ ձևը): Նրան է պատկանում նաև «Վիրտուալ իրականություն» հասկացությունը: ՀՀ բարձր տեխնոլոգիական արդյունաբերության նախարար Հակոբ Արշակյանը նշել է, որ այդ մրցանակը յուրահատուկ պատիվ է Հայաստանի համար. երկիրը մեծացնում է իր ճանաչելիությունը ՏՏ ոլորտի համաշխարհային շուկայում։ Մրցանակը 2009 թվականից ի վեր յուրաքանչյուր տարի շնորհվում է համաշխարհային ՏՏ ոլորտում բացառիկ ներդրումներ կատարած հեղինակավոր անհատի: Այս մրցանակաբաշխությամբ համաշխարհային ՏՏ քարտեզի վրա ընդգծվում է Հայաստանը՝ որպես բարձր տեխնոլոգիաների զարգացող կենտրոն: Տարբեր տարիների Global IT Award-ի միջազգային մրցանակի դափնեկիր են դարձել Intel-ի նախկին տնօրեն Քրեյգ Բարեթը, Apple-ի համահիմնադիր Սթիվ Վոզնյակը, առաջին կոմերցիոն միկրոպրոցեսորի ստեղծող Ֆեդերիկո Ֆաջինը, Hitachi-ի նախկին տնօրեն Ցուգիո Մակիմոտոն, Cisco-ի զարգացման գծով տնօրեն Նարիո Մացոլան, հակավիրուսների մշակող Եվգենի Կասպերսկին, ինտերնետի առաջին հետազոտողներից Լուի Պուզենը, Ipod-ի ստեղծող Թոնի Ֆադելը, National Instruments կորպորացիայի համահիմնադիր Ջեյմս Թրուշարդը: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Կալյուրանդ․ Եվրախորհրդարանը դեռևս 1987–ին է ճանաչել Հայոց ցեղասպանությունը «Այսօր մենք հարգանքի տուրք ենք մատուցում Ցեղասպանության զոհերին»,–գրել է նա ԱՄՆ Պետդեպի զեկույցը ՀՀ մասին․ Խոշտանգումներ, կամայական ազատազրկումներ, դատարանների անկախության խնդիրներ Զեկույցում նշվում է նաև, որ բանակում մահվան դեպքերը պատշաճ չեն հետաքննվում Տավուշում բերման ենթարկված 13 անձից 8-ին ազատ են արձակվել․ Քաղաքագետ Սուրեն Պետրոսյանը ձերբակալվել է Սուրեն Պետրոսյանին տեսակցել է Մարդու իրավունքների պաշտպանը Մատվիենկոն՝ Սիմոնյանի ելույթի մասին․ Չենք կարող անուշադրության մատնել նման հակառուսական հայտարարությունները Կարասինն ասել է, որ սխալ կլիներ անտեսել ելույթը, որը «համերշախություն է հայտնում Կիևի նացիստական ռեժիմի հետ» |