Ավելի քան 21 մլն եվրո՝ Մեղրիի սահմանային անցակետի արդիականացմանը

7 փետրվարի 2020 - 17:44 AMT

PanARMENIAN.Net - Մեղրիի սահմանային անցակետի արդիականացմանն ու ընդլայնմանը 21,146,263 եվրո կհատկացվի: Այդ նպատակով Ֆինանսների նախարարությունն ու Վերակառուցման և զարգացման եվրոպական բանկը (ՎԶԵԲ) «Մեղրիի սահմանային անցակետի ծրագիր» վարկային և դրամաշնորհային համաձայնագրեր են ստորագրել:

Անցակետի արդիականացման և ընդլայնման ընդհանուր ծրագրի շրջանակում հատկացումների կեսից ավելին` 10,520,000 և 700,000 եվրոն, հատկացվելու են դրամաշնորհային միջոցներից: Այդ միջոցները Հայաստանին կտրամադրի Եվրամիությունը՝ Եվրոպական հարևանության գործիքի ներքո:

Մեղրիի անցակետի վերակառուցումն ու արդիականացումը ֆինանսավորելու նպատակով ՀՀ ու ՎԶԵԲ-ի միջև համաձայնագիր ստորագրելու մտադրության մասին հայտարարվել էր 2019-ի դեկտեմբերին:

Արդիականացումը պայմանավորված է տարեցտարի անցակետով մարդկանց և ապրանքներ փոխադրող տրանսպորտային միջոցների հոսքերի աճով: Ծրագրի իրագործումը կնպաստի «Հյուսիս-հարավ» տրանսպորտային միջանցքի ակտիվացմանը և կխթանի տարանցիկ փոխադրումները:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով