Փաշինյան. 3 հաստատված վիրուսակիրն աշխատել են 500 հոգանոց արտադրամասում16 մարտի 2020 - 20:17 AMT PanARMENIAN.Net - Արտադրամասը, որտեղ կորոնավիրուսով վարակված 3 քաղացի է եղել, ունի 500 աշխատող, ԱԺ-ում հայտարարել է ՀՀ վարչապետ Նիկոլ Փաշինյանը: Մարտի 16-ին վարչապետ Նիկոլ Փաշինյանը հայտարարել էր, որ ՀՀ-ում գրանցված կորոնավիրուսի 30 դեպքից 3-ը կապված են արտադրական ձեռնարկություններից մեկի հետ: Նա հայտնել էր, որ դեպքով մեկուսացման աշխատանքներ են իրականացվում՝ հիշեցնելով, որ 300 մեկուսացված քաղաքացի, ու ևս 300-ի մեկուսացման պայմաններ են ստեղծվում: Արտադրամասը, որտեղ ախտորոշված կորոնավիրուսի դեպք կա, Շենգավիթ շրջանում է, և երեք ախտորոշված դեպքերն էլ Շենգավիթից են։ Հարցին, թե կառավարությունն ինչու հենց այժմ որոշեց արտակարգ դրություն սահմանել երկրում, Փաշինյանն ասել է, որ նման բան կարելի է անել, երբ երկրում կա Սահմանադրական կարգին սպառնացող անմիջական վտանգ: «Այն պահին, երբ երկրում կա ախտորոշված 1 դեպք և նրա բոլոր կոնտակտները հանգստանում են «Գոլդեն Փելեսում», որևէ մեկին չես կարող բացատրել, որ մարդկանց առողջությանը և Սահմանադրական կարգին վտանգ է սպառնում: Այսինքն` սպառնալիքը պետք է գոյանա, որովհետև մենք մարդու անքակտելի իրավունքը սահմանափակող որոշում ենք կայացնում»,- ասել է Փաշինյանը: Վարչապետը նշել է, որ 500 հոգանոց արտադրամասում գրանցված դեպքից, դպրոցականի մոտ ախտորոշումից, դեպքերի մոտ 65%-ը մեկ քաղաքում գրանցվելուց հետո կառավարությունը հասկացավ, որ պետք է դիմել արտակարգ միջոցների: Նրա խոսքով՝ այժմ վտանգ կա, որ վարակի մասշտաբը կարող է փոխվել, այդ պատճառով էլ պետությանն այս դեպքում անհրաժեշտ են լիազորություններ: ՀՀ-ում մարտի 16-ից մինչև ապրիլի 14-ը արտակարգ դրություն է հայտարարված՝ կորոնավիրուսի տարածումը կանխելու համար: Կարդացեք նաև․ Կորոնավիրուսից խուսափելու համար խորհուրդներ` ԱՀԿ-ից Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |