Փոխնախարար. Տնտեսական գործունեության մոտ 56 տեսակ կթույլատրվի, որոշները կարող են գործել օնլայն24 մարտի 2020 - 17:27 AMT PanARMENIAN.Net - Տնտեսական գործունեության վերաբերյալ բոլոր սահմանափակումները ՀՀ-ում կգործեն մինչև մարտի 31-ը, երկրում կսահմանափակվի տնտեսական գործունեության մի շարք ոլորտների աշխատանքը՝ բացառությամբ պարետի որոշմամբ սահմանված նոր կետերի: ՀՀ ամբողջ տարածքում կթույլատրվի տնտեսական գործունեության մոտ 56 տեսակ, հայտնել է էկոնոմիկայի փոխնախարար Վարոս Սիմոնյանը: Պարետի որոշման հավելվածով՝ չնախատեսված գործունեության տեսակները (նախատեսված չեն որպես բացառություն) կարող են գործել, եթե դրանք թույլ է տրվում իրականացնել առցանց կամ հեռահար: Կան նաև տնտեսական գործունեության տեսակներ, որոնց իրականացումն արգելված չէ, բայց դրանք պետք է նվազագույն աշխատակազմով իրականացվեն: Ֆինանսական և ապահովագրական գործունեություն իրականացնողները ևս աշխատանքները պետք է կատարեն նվազագույն ծավալով՝ կանխիկ դրամաշրջանառությունն ապահովելու և քաղաքացիների անհետաձգելի կարիքները բավարարելու համար: Սիմոնյանը հիշեցրել է, որ արգելվելու է առևտրի իրականացման վայրերի գործունեությունը՝ բացառությամբ այդ վայրերում գործող պարենային խանութների, դեղատների և գյուղարտադրանքի շուկաների: Օրինակ՝ առևտրի մեծ կենտրոները փակ կլինեն, բայց այնտեղ գործող սուպերմարկետը կամ դեղատունը կարող են աշխատել: Պատասխանելով սահմանափակումների արդյունքում փակվող մամուլի կրպակների մասին հարցին՝ Սիմոնյանն ասել է, որ դա ուղղված չէ բիզնեսին, այլ պարտադրված գործողություն է՝ ուղղված առողջությունն ապահովելուն: Փոխնախարարի խոսքով՝ սահմանափակումները ոչ միայն տպագիր մամուլին են վերաբերելու, այլև այլ ոլորտներին: ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 24-ի առավոտվա դրությամբ երկրում վարակի 235 հաստատված դեպք կա, երկու հոգի առողջացել է: ՀՀ-ում արդեն տնտեսական որոշ գործունեության տեսակների սահմանափակումներ են մտցվել՝ մասնավորապես չեն գործի սրճարանները, ռեստորանները, գեղեցկության սրահներ, առևտրի որոշ կետերը, բուքմեյքերակնա գրասենյակները: Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով: Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից
Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |