743 մլն դրամ՝ մարզական և ուսհաստատությունների շենքերի բարելավմանը 7 մայիսի 2020 - 12:35 AMT PanARMENIAN.Net - ՀՀ կրթության, գիտության, մշակույթի և սպորտի նախարարության 2020 թվականի հաստատված բյուջեով նախատեսվում է մոտ 743 մլն դրամ վերաբաշխման միջոցով հատկացնել քաղաքաշինության կոմիտեին՝ ուսումնական և մարզական հաստատությունների շենքային պայմանների բարելավման գործընթացի կազմակերպման համար, հայտարարել է ԿԳՄՍ նախարար Արայիկ Հարությունյանը։ Նա նշել է, որ ընդհանուր գումարից մոտ 464 մլն դրամը նախատեսվում է նախագծահետազոտական ծախսեր իրականացնելու համար, իսկ 278 մլն դրամը՝ շենքերի և շինությունների կապիտալ վերանորոգման համար։ Հարությունյանի խոսքով՝ նախագծով ավարտին են հասցվում 2019-ին սկսած գործընթացները․ որոշմամբ նախատեսվում է Արագածոտնի մարզի Վարդենիսի միջնակարգ դպրոցի կառուցում, Լոռու մարզի Վանաձորի Միքայել Թավրիզյանի անվան արվեստի պետական քոլեջի վերակառուցում, Երևանի Օլիմպիական հերթափոխի պետական մարզական քոլեջի հանրակացարանային նոր մասնաշենքի կառուցում։ Նախարարն ուշադրություն է հրավիրել նաև Արմավիրի մարզում ծանրամարտի ժամանակակից մարզադահլիճ կառուցելու նախագծանախահաշվարկային փաստաթղթերի ստեղծմանը՝ նշելով, որ ծանրամարտի աշխարհի չեմպիոն Սիմոն Մարտիրոսյանը մարզչի հետ դիմել է ԿԳՄՍՆ՝ համապատասխան մարզադպրոցի կառուցման խնդրանքով։ Նախարարը նշել է, որ մարզում ծանրամարտի հանդեպ հետաքրքրույթունը կարող է զարգանալ՝ հաշվի առնելով արդեն եղած ավանդույթները, և այն, որ 2016-ի Օլիմպիական խաղերից հետո արծաթ ստածաց Մարտիրոսյանը կարող է Օլիմպիադայի ոսկի վերցնել (առաջին տեղը զբաղեցրած մարզիկը, հնարավոր է, դոպինգի պատճառով որակազրկվի)։ 2019-ի նոյեմբերին հայտարարվել էր, որ ԿԳՄՍՆ հատկացումների տնտեսման և վերաբաշխման արդյունքում 8 դպրոցներում կկատարվեն 184 մլն դրամի վերակառուցման ու շինարարական աշխատանքներ:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Բաժիններ թեմայով Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |
