ԲԴԽ-ն քննում է դատավոր Ազարյանին կարգապահական պատասխանատվության ենթարկելու հարցը

ԲԴԽ-ն քննում է դատավոր Ազարյանին կարգապահական պատասխանատվության ենթարկելու հարցը

PanARMENIAN.Net - Բարձրագույն դատական խորհրդում սկսվել է Վերաքննիչ քրեական դատարանի դատավոր Ալեքսանդր Ազարյանին կարգապահական պատասխանատվության ենթարկելու վերաբերյալ միջնորդության քննությունը, փոխանցում է «Հետք»-ը:

Դատավոր Ազարյանին կարգապահական պատասխանատվության ենթարկելու միջնորդությամբ ԲԴԽ դիմել է արդարադատության նախարարությունը՝ ՀՔԾ պետ Սասուն Խաչատրյանի դիմումի հիման վրա: Դիմումի առիթը «5-րդ ալիքի» սեփականատեր Արմեն Թավադյանի գործով դատավոր Ալեքսանդր Ազարյանի արած արտահայտությունն է Խաչատրյանի վերաբերյալ:

Նիստի մեկնարկին ԲԴԽ անդամ, դատավոր Մեսրոպ Մակյանը ինքնաբացարկ է հայտնել՝ նշելով, որ ընկերական հարաբերություններ ունի Ազարյանի ներկայացուցիչ Տիգրան Աթանեսյանի հետ, ԲԴԽ-ն որոշել է մերժել Մակյանի միջնորդությունը:

Ինքնաբացարկ հայտնած ԲԴԽ անդամ Հայկ Հովհաննիսյանը ևս մերժվել է, նա նույնպես կմասնակցի նիստին:

Դատավոր Ազարյանին աջակցելու համար ԲԴԽ են եկել մի քանի դատավորներ ու փաստաբաններ։

Դատական նիստին մասնակցում է նաև Արդարադստության նախարար Ռուստամ Բադասյանը, ներկայացել է նաև դատավոր Ալեքսանդր Ազարյանը՝ իր ներկայացուցիչ, փաստաբան Տիգրան Աթանեսյանի հետ:

 Ուշագրավ
Պարզվել է, որ քրեական գործ չի հարուցվել, մեղադրանք առաջադրելու համար էլ ապացույցներ չեն գտել
Պաշտպանը նշել է, որ ադրբեջանական իշխանություններն արհեստական ձգձգում, քաղաքականացնում են գործընթացը
Նա հանցագործության մասին հաղորդում կներկայացնի