Միրզոյանը Մատվիենկոյին և Վոլոդինին շնորհավորել է ՌԴ հանրաքվեի արդյունքների առթիվ

PanARMENIAN.Net - ՀՀ Ազգային ժողովի նախագահ Արարատ Միրզոյանը հեռախոսազրույց է ունեցել ՌԴ Դաշնության խորհրդի նախագահ Վալենտինա Մատվիենկոյի հետ։ Հայաստանի խորհրդարանի ղեկավարը շնորհավորել է նրան հանրաքվեի անցկացման և արդյունքների կապակցությամբ։

Զրուցակիցները խոսել են կորոնավիրուսային համաճարակով պայմանավորված իրավիճակի մասին, քննարկել երկուստեք հետաքրքրություն ներկայացնող մի շարք հարցեր։

Միրզոյանը հեռախոսազրույց է ունեցել և շնորհավորել է հանրաքվեի անցկացման և արդյունքների կապակցությամբ նաև ՌԴ Պետական դումայի նախագահ Վյաչեսլավ Վոլոդինին։

Կողմերը տեղեկատվություն են փոխանակել երկուստեք հետաքրքրություն ներկայացնող մի շարք հարցերի վերաբերյալ։

ՌԴ կենտրոնական ընտրական հանձնաժողովի՝ հուլիսի 2-ի տվյալներով հաշվարկվել է Սահմանադրական բարեփոխումների քվեարկության 99․9% արդյունքները, կողմ է քվեարկել ընտրողների 77․93%-ը, դեմ՝ 21․26%-ը։ 2020-ի հունվարին ՌԴ նախագահ Վլադիմիր Պուտինը Պետդումա էր ուղարկել Սահմանադրությունում առաջարկվող փոփոխությունների նախագիծը, մարտին այն հաստատվել էր։ Ըստ որոշ փորձագետների՝ ՌԴ-ում այս փոփոխություններն արվում են ղեկավար Վլադիմիր Պուտինի իշխանության տարիները երկարացնելու համար։

Հուլիսի 1-ի երեկոյան Հայաստանի հանրային հեռուստաընկերությունը եթերում ցուցադրել է ՌԴ-ում հայտնի ընդդիմադիր Ալեքսեյ Նավալնիին, որը մեկնաբանում էր Ռուսաստանում կայացած սահմանդրական հանրքվեն, խոսելով կեղծիքների մասին։ Արտախորհրդարանական ընդդիմությունը դա հակառուսական քայլ էր անվանել՝ նշելով, թե Նավալնին հայատյաց է։