Հայաստանը շահագրգռված է Մալայզիայի հետ փոխշահավետ հարաբերությունների հաստատման եւ զարգացման հարցում 6 փետրվարի 2009 - 18:02 AMT PanARMENIAN.Net - Փետրվարի 5-ին Կուալա Լումպուրի Իստանա Նեգարա Ազգային պալատում Հնդկաստանում Հայաստանի դեսպան Աշոտ Քոչարյանն իր հավատարմագրերն է հանձնել Մալայզիայի թագավոր Միզան Զայնալ Աբիդինին` համատեղության կարգով հավատարմագրվելով նաեւ Մալայզիայում: Պաշտոնական ընթացակարգից հետո տեղի ունեցած առանձնազրույցի ժամանակ դեսպան Քոչարյանը Մալայզիայի թագավորին է փոխանցել Հայաստանի նախագահի բարեմաղթանքները, հակիրճ ներկայացրել է Հայաստանի պատմությունը, վերջին քաղաքական եւ տնտեսական զարգացումները, արտաքին քաղաքականության առաջնայնությունները, կարեւորել է ասիական ուղղությունը, մասնավորապես` Մալայզիայի հետ փոխշահավետ երկկողմ հարաբերությունների զարգացման եւ խորացման, փոխայցելությունների իրականացման, իրավական դաշտի ձեւավորման անհրաժեշտությունը: Հայաստանի դեսպանը նշել է մեծ ներուժի առկայությունը տեղեկատվական տեխնոլոգիաների, զբոսաշրջության, կրթության եւ առեւտրատնտեսական ոլորտներում:Մալայզիայի թագավորն իր հերթին նախ շնորհավորել է Հայաստանի դեսպանին Մալայզիայում Հայաստանի առաջին դեսպան նշանակվելու կապակցությամբ, ապա խնդրել իր ջերմ ողջույնները փոխանցել Հայաստանի նախագահ Սերժ Սարգսյանին` ցանկանալով նրան եւ ողջ հայ ժողովրդին առողջություն, խաղաղություն, առաջընթաց եւ բարեկեցություն: Մալայզիայի Թագավորը համոզմունք է հայտնել, որ կան մեծ հնարավորություններ` զարգացնելու հայ-մալայզիական հարաբերությունները պաշտոնական եւ ոչ պաշտոնական պատվիրակությունների փոխայցելությունների եղանակով: Մալայզիա կատարած այցի շրջանակներում դեսպան Աշոտ Քոչարյանը հանդիպումներ է ունեցել Մալայզիայի ԱԳՆ ու միջազգային առեւտրի եւ արդյունաբերության նախարարությունների պաշտոնյաների հետ: Քննարկվել են երկկողմ հարաբերությունների զարգացման հեռանկարներին առնչվող հարցեր, հաղորդում է ՀՀ ԱԳՆ մամլո ծառայությունը: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |