Վանեցյան․ Առաջիկայում ՀՀ-ում լրջագույն քաղաքական զարգացումներ կլինեն

Վանեցյան․ Առաջիկայում ՀՀ-ում լրջագույն քաղաքական զարգացումներ կլինեն

PanARMENIAN.Net - «Հայրենիք» կուսակցության նախագահ Արթուր Վանեցյանը կուսակիցների հետ հանդիպմանը հայտարարել է, որ առաջիկայում Հայաստանում սպասվում են լրջագույն քաղաքական զարգացումներ, որտեղ «Հայրենիք» կուսակցությունն ունենալու է առանցքային դեր։

Վանեցյանը մի քանի տասնյակ քաղաքացիների անդամատոմսեր է հանձնել։ Նա նշել է, որ յուրաքանչյուր նոր անդամը նոր ուժ է տալիս քաղաքական միավորին, իսկ այդ առումով «Հայրենիքն» ամեն օր է ուժեղանում։

Արարողության ավարտին քաղաքական ուժի ղեկավարը զրուցել է կուսակից ընկերների հետ և վստահեցրել, որ միասնական ջանքերի շնորհիվ «Հայրենիքը» հասնելու է իր հիմնական նպատակին՝ Հայաստանի Հանրապետությունում մարդը լավ է ապրելու։

ԱԱԾ նախկին տնօրեն Արթուր Վանեցյանը սկսել է ակտիվ քաղաքականությամբ զբաղվել պաշտոնից հրաժարական ներկայացնելուց հետո։ Նա հայտարարել էր, որ անհրաժեշտ է, որ քաղաքական մի ուժ ձևավորվի, որը կփորձի համախմբել ու միավորել հասարակության այն լայն զանգվածին, որը չի ընդունում այսօրվա իշխանությունների գործելակերպն ու որի հույսերը չեն արդարացել. նրանք մարդիկ են, ովքեր չեն ուզում վերադարձ անցյալին։

 Ուշագրավ
Նա մեկնել է կարճատև աշխատանքային այցով
ԱԳՆ-ից նշել են, որ միջոցներ են ձեռնարկելու տեղում հրադադարի ռեժիմի պահպանման և ստուգման մեխանիզմների ներդրման համար
ՀՀ վարչապետ Նիկոլ Փաշինյանը ակնարկել է, որ ստացել է նման երաշխիք ռուսական կողմից
Նախարարը նշել է, որ հանդիպում է բողոքող այն խմբերի հետ, որոնք օրակարգ ունեն, իսկ իր օրակարգի հարցը ոլորտի բարեփոխումներն են և ոլորտ նորություն բերելը