 Մուրադյան․ Վիրավորների մեծ մասը բեկորային կամ պայթյուններից ստացված վնասվածքներ ունեն 2 հոկտեմբերի 2020 - 19:20 AMT PanARMENIAN.Net - Սեպտեմբերի 27-ին Ադրբեջանի կողմից սանձազերծված Արցախյան պատերազմում վիրավորների հիմնական մասն ունեն բեկորային կամ պայթյուններից ստացված վնասվածքներ, հայտարարել է Երևանի պետական բժշկական համալսարանի ռեկտոր Արմեն Մուրադյանը։ Ըստ ԵՊԲՀ ռեկտորի՝ վնասվածքների բնույթն արդեն խոսում է ոչ ադեկվատ, և ոչ մարդասիրական ռազմական ուժի կիրառման մասին։ «Վնասվածքները, որ տեսնում ենք, դուրս են մարդասիրական ու համամարդկային բոլոր արժեքներից՝ այդ զենքերի կիրառումն անմարդկային բնույթ է կրում, առավել ևս մի պահի, երբ բոլորը պայքարում են կորոնավիրուսի արհավիրքի դեմ»,-հայտարարել է նա՝ կոչ անելով աշխարհի բժիշկներին իրենց ձայնը բարձրացնել։ Մուրադյանը նշել է, որ Արցախից շտապօգնության մեքենաների Երևան գալը կապված է բուժօգնության ճիշտ կազմակերպման և պլանավորման հետ։ Նա նշել է, որ ՀՀ-ում և Արցախում առկա անհրաժեշտ բոլոր ռեսուրսներն ու դեղամիջոցները կան, սակայն իրադարձությունների զարգացումը կարող է նոր ռեսուրսներ պահանջել։ Մուրադյանը նաև հայտնել է, որ բուժաշխատողների հետ քննարկել է վիրավորների համար համապատասխան բուժօգնության կազմակերպման հարցը՝ հաշմանդամությունից խուսափելու համար։ Նա նշել է, որ վիրավորներին ու նաև երեխաներին հոգեբանական աջակցություն է ցուցաբերվում։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով  Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար»ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումիցՍյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերովՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |
