Դավիթ Բաքրաձե. Թբիլիսին ամեն ինչ կանի Վրաստանի հայկական եկեղեցիների հարցը կարգավորելու համար24 փետրվարի 2009 - 20:54 AMT PanARMENIAN.Net - Վրաստանի խորհրդարանի նախագահ Դավիթ Բաքրաձեն շնորհակալություն հայտնելով ջերմ ընդունելության համար` վստահություն հայտնեց, որ իր առաջին պաշտոնական այցը Հայաստան կարեւոր քայլ կհանդիսանա երկու բարեկամ պետությունների խորհրդարանների միջեւ փոխգործակցության զարգացման գործում: Նա ՀՀ ԱԺ նախագահ Հովիկ Աբրահամյանին փոխադարձ այցով հրավիրեց Վրաստան: ՀՀ ԱԺ նախագահ Հովիկ Աբրահամյանը շնորհակալություն հայտնելով հրավերի համար` կարեւորեց միջխորհրդարանական կապերի հետագա զարգացումը բոլոր մակարդակներում` համոզմունք հայտնելով, որ շփումները, փոխգործակցությունը հանձնաժողովների, խորհրդարանականների միջեւ կնպաստեն հարաբերությունների սերտացմանը: Անդրադառնալով տարածաշրջանային խնդիրներին` պարոն Աբրահամյանը նշեց, որ Հայաստանը հետեւողականորեն փորձում է բարելավել հարաբերությունները իր անմիջական հարեւան Թուրքիայի հետ եւ կարեւորում հայ-թուրքական սահմանի բացումը: Նշվեց, որ հայկական կողմը պահպանում է չեզոք դիրքորոշում աբխազական ու հարավօսեթական հակամարտությունների կարգավորման հարցում` վրացական կողմից ակնկալելով նույն հավասարակշռված մոտեցումը ԼՂՀ հարցում: ՀՀ Ազգային ժողովի նախագահը ընդգծեց տարածաշրջանում տրանսպորտային ենթակառուցվածքների հզորացմանն ուղղված ծրագրերի իրականացման անհրաժեշտությունը` այս համատեքստում կարեւորելով «Հյուսիս Հարավ» տրանսպորտային միջանցքի հատված հանդիսացող Եր-ան - Գյումրի - Նինոցմինդա - Ախալցխա - Բաթումի ավտոմոբիլային ճանապարհի կառուցումը: Անդրադառնալով Վրաստանում դարեր շարունակ գործող Հայ առաքելական եկեղեցուն պատկանող եկեղեցիների խնդրին` պարոն Աբրահամյանը հույս հայտնեց, որ Հայ առաքելական եկեղեցու վիրահայոց թեմի իրավաբանական կարգավիճակի հարցի լուծումից հետո կկարգավորվեն նաեւ եկեղեցիների վերադարձման հետ առնչվող հարցերը: Վրաստանի խորհրդարանի նախագահը եւս անհրաժեշտ համարեց միջխորհրդարանական համագործակցության զարգացումը բոլոր ուղղություններով, այս համատեքստում կարեւորելով համագործակցության միջխորհրդարանական հանձնաժողովի գործունեությունը: Կարեւորվեց տնտեսական կապերի ակտիվացումը, տրանսպորտային ենթակառուցվածքների զարգացումը: Նշվեց, որ հինգ տարվա ընթացքում 50 անգամ ավելացել է Վրաստան այցելող հայ զբոսաշրջիկների թիվը: Պարոն Բաքրաձեն բարձր գնահատեց հայկական կողմի դիրքորոշումը Աբխազիայի ու Հարավային Օսեթիայի հարցերում: Վրաստանի խորհրդարանի նախագահի համոզմամբ Կովկասյան տարածաշրջանի զարգացումը, կայունությունը եւ անվտանգությունը պայմանավորված է նաեւ հայ-վրացական հարաբերություններով: Անդրադառնալով հայկական եկեղեցիների խնդրին, նա հավաստիացրեց, որ Վրաստանի իշխանությունները իրեց իրավասությունների սահմաններում ամեն ինչ կանեն խնդիրը կարգավորելու համար, քանի որ հայ-վրացական հարաբերություններում անլուծելի խնդիրներ չկան, հաղորդում է ՀՀ ԱԺ հասարակայնության հետ կապերի վարչությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Քաղաքացիները հաջակցություն Տավուշի փակել են Սպիտակ-Վանաձոր ճանապարհը Ակցիայի մասնակից տղամարդկանցից մեկը ոստիկաններին և հավաքված քաղաքացիներին բացատրում է, թե ինչի դեմ է իրենց բողոքը Նախագիծ․ ԱԱԾ-ում բարձրագույն կոչում ունեցողները համազգեստ չեն կրի ԱԱԾ տնօրենի պաշտոնը այլևս դադարել է զինվորական լինել, այն արդեն հանրային ծառայության պաշտոն է Պատել․ ԱՄՆ–ն հավատում է, որ խաղաղությունը Հարավային Կովկասում հնարավոր է և շարունակելու է աշխատել այդ ուղղությամբ Նա նաև ասել է, որ Վաշինգտոնը մտահոգված է Ադրբեջանում քաղհասարակության անդամներ կալանովորումներով Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա |