Ջհանգիրյան․ Իշխանությունը դատական համակարգի զտման գործնական քայլեր չի արել, այն հնի ժառանգորդ է 22 հունվարի 2021 - 16:56 AMT PanARMENIAN.Net - Իշխանության եկած քաղաքական նոր ուժն անցած տարիներին դատական համակարգի զտման համար գործնական քայլեր չի կատարել, և այն մնացել է որպես հնի ժառանգորդ, հայտարարել է իշխող «Իմ քայլը» խմբակցության՝ բարձրագույն դատական խորհրդի անդամի թեկնածու Գագիկ Ջհանգիրյանը։ «Կարևոր հանգամանք է դատական համակարգի զտման խնդիրը։ Ցավոք, իշխանության եկած քաղաքական նոր ուժն անցած տարիներին այդ ուղղությամբ գործնական քայլեր չի կատարել, և դատական համակարգը մնացել է որպես հնի ժառանգորդ, իներցիայով դեռ առաջ է շարժվում»,- հայտարարել է նա՝ նշելով, որ Սահմանադրությունը հնարավորություն է տալիս «մաքրելու և զտելու»։ Նա նաև համոզմունք է հայտնել, որ ՀՀ-ում հաստատված է «դատարանների նախարարություն»՝ «բուրգ», որը վերից վար խիստ ենթակայություն է ենթադրում, «և դրա գլխին նստած պաշտոնատար անձը, անկախ նրա անձնական հատկանիշներից, կարողանում է ստորադաս դատարանների դատավորներին պարտադրել ցանկալի որոշում»։ Այս առումով՝ նա կարևորել է ԱԺ օրենսդրական նախաձեռնությունը՝ հետագայում դատարաններին ու դատավորների վերադասներից անկախացնելու համար։ Ըստ Ջհանգիրյանի՝ դատարանների ու դատավորների անկախությունը բազմաթիվ գործոններից է կախված։ ՀՀ ազգային ժողովը արտահերթ նիստում քննարկվել է ԲԴԽ անդամների ընտրության հարցը: «Իմ քայլը» խմբակցությունը ներկայացրել է նախկին զինդատախազ Գագիկ Ջհանգիրյանի և Դավիթ Խաչատուրյանի թեկնածությունները: Արդեն հայտարարվել է, որ խորհրդարանական երկու ընդդիմադիր «Լուսավոր Հայաստան» և «Բարգավաճ Հայաստան» խմբակցությունները չեն մասնակցելու քվեարկությանը:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Կրիպտոակտիվների կարգավորման հարցում ՀՀ ԿԲ-ն առաջնորդվելու է եվրոպական չափորոշիչներով  ԿԲ-ն կրիպտոակտիվների մասին օրինագիծ է պատրաստել, որն առաջիկայում շրջանառության մեջ կդրվիԳալստյան․ ԿԲ–ն պատրաստ է համարժեք գործողությունների՝ միջնաժամկետ հորիզոնում գնաճի 4%-ի ապահովման համար Նա ասել է, որ 2024 թվականի առաջին եռամսյակում 12-ամսյա գնաճը շարունակել է նվազել՝ մարտին կազմելով -1.2 տոկոսԲայրամով․ Ադրբեջանը հանդես է գալիս ՀՀ հետ երկկողմ բանակցությունների օգտին Նա ասել է, որ սահմանազատման վերջին պայմանավորվածությունը վկայում է, որ դա առավել արդյունավետ գիծն է |
