Ազգային ժողովում ընթանում է ֆինանսավարկային և բյուջետային հարցերի մշտական հանձնաժողովի նիստը, Խորհրդարանի բոլոր մուտքերն ու Բաղրամյան պողոտան շարունակում են շրջափակված մնալ Հայրենիքի փրկության շարժման ակտիվիստների կողմից։
Պողոտայում հանդարտ իրավիճակ է, երեկոյան 16:00-ին հանրահավաք է սպասվում։
ԱԺ մշտական հանձնաժողովը քննարկում է Հաշվեքննիչ պալատի զեկուցը, հետագա անելիքները։
Մարտի 9-ին Հայրենիքի փրկության շարժման վարչապետի թեկնածու Վազգեն Մանուկյանի կոչով ցուցարարները շրջափակել են Ազգային ժողովի բոլոր մուտքերը։ Նա հայտարարել էր, թե ԱԺ-ի շուրջ դրված իրենց վրանները կհանեն ու կհեռանան այն ժամանակ, երբ վարչապետ Նիկոլ Փաշինյանը հրաժարական տա։