Քվեաթերթիկի ձևը կփոխվի․ Գրիչով նշում չի արվի

Քվեաթերթիկի ձևը կփոխվի․ Գրիչով նշում չի արվի

PanARMENIAN.Net - ԱԺ ընտրությունների քվեաթերթիկի ձևը կփոփոխվի, գրիչով նշում չի արվի։ Այդ մասին Կենտրոնական ընտրական հանձնաժողովի նիստում հայտարարել է ԿԸՀ քարտուղար Արմեն Սմբատյանը։

«Քանի որ այլևս համամասնական ընտրակարգով են ԱԺ ընտրություններն իրականացվելու, քվեաթերթիկը չի ունենալու հետևի հատված, չեն լինելու տարածքային թեկնածուներ։ Քվեաթերթիկի վրա գրիչ չի օգտագործվելու», - ասել է նա, գրում է Aysor.am-ը։

Այսպիսով, ԿԸՀ-ն ընդունել է որոշումը, որով փոխվում է քվեաթերթիկի նմուշը, քվեաթերթիկի վրա ոչ մի նշում չի կատարվելու։

«Ընտրողն իր քվեարկությունը կատարելու է հետևյալ կերպ. ընտրելու է քվեաթերթիկներից մեկը և այն դնի ծրարի մեջ», - տեղեկացրել է Սմբատյանը։

Կենտրոնական ընտրական հանձնաժողովը որոշում է կայացրել Հայաստանում ընտրությունների անցկացման միջոցառումների վերաբերյալ: Հանրապետությունում քվերակությունը տեղի կունենա հունիսի 20-ին, կմեկնարկի ժամը 8.00-ից: Էլեկտրոնային եղանակով քվերակությունն էլ կընթանա հունիսի 11-ից 13-ը:

ՀՀ-ում խորհրդարանական արտահերթ ընտրությունների նախընտրական քարոզարշավը կանցկացվի հունիսի 7-18-ը՝ մինչև ժամը 24.00-ն:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---