Փաշինյան․ Կամավորականը Հադրութում լրտեսել է Ադրբեջանի օգտին

Փաշինյան․ Կամավորականը Հադրութում լրտեսել է Ադրբեջանի օգտին

PanARMENIAN.Net - Վարչապետի պաշտոնակատար Նիկոլ Փաշինյանն Արարատի մարզի Գեղանիստ համայնքի բնակիչների հետ հանդիպմանը տեղեկացրել է, որ առաջիկա օրերին կհայտարարվի պետական դավաճանության դեպքի բացահայտման մասին։

«Խոսքը պրոֆեսիոնալ զինվորականի մասին չէ, ինչքան ինձ զեկուցել են, կամավորական ջոկատի անդամի մասին է։ Լինելով Ադրբեջանի հատուկ ծառայությունների գործակալ և մասնակցելով մարտական գործողություններին` նա Հադրութի շրջանի մեր ուժերի տեղակայնման և այլ տեղեկություններ է հայտնել հակառակորդին»,-ասել է նա։

Փաշինյանը նշել է, որ ԱԱԾ-ն այդ անձին արդեն ձերբակալել է՝ հավելելով, սակայն, որ մեղքը դեռ պետք է ապացուցվի։

«Թացը չորին չպետք է խառնենք։ Թեև եղել են համացանցում հրապարակված տեսարաններ պատերազմի ընթացքում, որոնք անհասկանալի է, թե ինչպես կարող էին տեղի ունենալ։ Երբ, օրինակ, ամբողջական զորամաս զենք զինամթերքով ամբողջությամբ լքված էր»,-ասել է նա։

 Ուշագրավ
Դեսպանատան ոչ մեծ թվով աշխատակիցներ դիտարկել են ընտրությունները՝ որպես այցելուներ
Շրջանառության մեջ կդրվի սահմանագծման և սահմանազատման հիմնախնդիրներին վերաբերող ԱԺ հայտարարության նախագիծ
Նա նշել է, որ հայատյացությունն ու թշնամանքի քարոզն Ադրբեջանում վերջին պատերազմից հետո դարձել են ծայրահեղական՝ ֆաշիզմի աստիճանի
Նա ասել է նաև, որ ՀՀ-ն ցանկություն չունի շեղելու իր արտաքին քաղաքականությունը և փնտրել նոր դաշնակիցներ
---