Բաքվում Էուլջեկչյանի համար 20 տարվա ազատազրկում են պահանջել․ Նա ժխտել է բոլոր մեղադրանքները

Բաքվում Էուլջեկչյանի համար 20 տարվա ազատազրկում են պահանջել․ Նա ժխտել է բոլոր մեղադրանքները

PanARMENIAN.Net - Բաքվում մեկնարկած դատավարության ժամանակ պետական մեղադրողը 20 տարվա ազատազրկում է պահանջել լիբանանահայ ռազմագերի Վիգեն Էուլջեկչյանի համար, տեղեկացնում է «Sputnik Ադրբեջանը»։

Էուլջեկչյանը ժխտել է բոլոր մեղադրանքները՝ հայտարարելով, որ քննության ժամանակ ցուցմունքները տվել է ճնշման տակ։

Էուլջեկչյանի փաստաբան Լեյլա Մամեդովան միջնորդություն է ներկայացրել գործը լրացուցիչ քննության ուղարկելու վերաբերյալ, սակայն նախագահող դատավոր Էլբայի Ալլահվերդիևը մերժել է այն։

Էուլջեկչյանի դեմ մեղադրանքը կառուցված է նրա «խոստովանական» ցուցմունքների վրա։ Նրան մեղադրանք է ներկայացվել «վարձկանություն», «ահաբեկչություն», «Ադրբեջանի պետսահմանի ապօրինի հատում» հոդվածներով։

Էուլջեկչյանը գերեվարվել էր լիբանանահայ Մարալ Նաջարյանի հետ միասին։ Նրանք Գորիսից մեկնել էին Շուշի իրենց իրերը վերցնելու, և այդ ընթացքում Շուշին փաստացի գտնվել է Ադրբեջանի տիրապետության տակ։ Մարտի 10-ին Նաջարյանն ազատ էր արձակվել Միջազգային կարմիր խաչի և Լիբանանի արտաքին գործերի նախարարության ջանքերով։

 Ուշագրավ
Նա ասել է, որ ՌԴ-ն քիչ ջանք չի գործադրել հայ-ադրբեջանական սահմանին հրադադարի ռեժիմը վերականգնելու համար
Բոստոնի համալսարանում սովորելու հնարավորությունը խոստումնալից երիտասարդը ստորադասեց Հայրենիքի պաշտպանությանը
Նա նշել է, որ ակնկալում էր զեկույցում տեսնել հիշատակումներ հայ ռազմագերիների, պատանդների վերաբերյալ