Հուլիսի 10-ից բացվում են Սևանի հանրային լողափերը․ Անվտանգությանը դրոններով կհետևեն10 հուլիսի 2021 - 12:28 AMT PanARMENIAN.Net - Հուլիսի 10-ից բացվում են Սևանա լճի հանրային լողափերը։ Այս տարի փրկարար ծառայության աշխատակիցներից բացի հանգստացողների անվտանգությանը կհետևեն նաև դրոններ: «Սևան ազգային պարկ» ՊՈԱԿ-ի փոխտնօրեն Արման Աբելյանը տեղեկացրել է, որ հանգստացողների համար հուլիսի 10-ին Սևանի 3 հանրային լողափ (ընդհանուր 8 լողափ կա) է բացվում, գրում է Sputnik Արմենիան։ «Հանրային լողափ ասելով՝ նկատի ունենք Սևանի թերակղզու ու Սևան քաղաքի հարևանությամբ գտնվող 3 հատվածը: Ինչ վերաբերում է մյուս 5-ին՝ ապա այս տարի դրանք չեն բացելու։ Լողափերում գործելու են մի շարք անվճար ծառայություններ՝ տախտակամածներ, հովանոցներ, մանկական խաղահրապարակներ, զուգարաններ, նստարաններ, հանդերձարաններ, բուժկետ և իհարկե, փրկարարական ծառայություն»,-ասել է նա։ Տեղադրվել է 53 տեղեկատվական ցուցանակ՝ տարածքները մաքուր պահելու մասին գրառումներով, և այդ նպատակով նաև 160 աղբաման։ Աբելյանը զգուշացրել է, որ լողափերը բաց կլինեն մինչև ժամը 20:00-ը, որից հետո տարածքներում մաքրման աշխատանքներ կիրականացվեն: ԱԻՆ փրկարար ծառայության Գեղարքունիքի մարզային փրկարարական վարչության հատուկ ջրափրկարարական ջոկատի հրամանատար Արմեն Ճզմաչյանն իր հերթին նշել է, որ ԱԻՆ ղեկավարի հրամանով հատուկ ջրափրկարարական ջոկատը հուլիսի 10-ից ուժեղացված ռեժիմով կաշխատի: Փրկարար ծառայության աշխատակիցները մոտորանավակներով պարեկային ծառայություն են իրականացնելու ինչպես հանրային լողափերում, այնպես էլ հարակից մասնավոր լողափերում: «Դիտարկումն իրականացվելու է նաև դրոնների օգնությամբ։ Դրանք հատկապես կօգնեն գիշերային ժամերին և հեռավոր տարածություններում որոնողական աշխատանքների ժամանակ», - ասել է Ճզմաչյանը։ Դրոնները կարող են մինչև հինգ կիլոգրամ քաշով առարկաներ տեղափոխել: Այսպիսով` շատ կարճ ժամանակում խեղդվողին կարելի է փրկարարական բաճկոն, շրջանակ և այլ իրեր հասցնել։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Խաչատուրյանը և ՎԶԵԲ նախագահը քննարկել են ՀՀ կապիտալի շուկայի զարգացումը, ենթակառուցվածքների ֆինանսավորումը Կողմերը երկուստեք բարձր են գնահատել համատեղ իրականացվող ծրագրերը ԲՏԱ նախարարն ու Նուբար Աֆեյանը խոսել են ներդրումային հիմնադրամ ստեղծելու հայեցակարգի մասին Նուբար Աֆեյանն ընդգծել է Հայաստանի զարգացմանն ուղղված ծրագրերի կարևորությունը Զարգացման ֆրանսիական գործակալությունը մտադիր է ընդլայնել ՀՀ հետ գործակցության ուղղություններն ու ծրագրերի ծավալները Քննարկվել են Վեդու ջրամբարի կառուցման ընթացքին վերաբերող հարցեր Զախարովա․ Արևմուտքն անդադար խոսում է Վրաստանի ցույցերից՝ անտեսելով ՀՀ–ի ակցիաները Նա խոսել է Հայաստանում ցուցարարների զանգվածային բերման ենթարկելու դեպքերի մասին Արևմուտքի «մեռելային լռության» մասին |