Beeline-ի և Թումոյի գործակցությունը պատանիներին կրթական նոր հնարավորություններ է տալիս 1 սեպտեմբերի 2021 - 14:54 AMT PanARMENIAN.Net - Թումո ստեղծարար տեխնոլոգիաների կենտրոնի և Beeline-ի գործակցությունն արդեն երկրորդ տարին է, ինչ Հայաստան է բերում միջազգային առաջատար մասնագետների՝ Թումոյի ուսանողների համար բացառիկ կրթական հնարավորություններ ստեղծելով։ Gործակցության արդյունքում 2021-ին ևս Թումո կենտրոններում անցկացվել են աշխատարաններ՝ կարճատև և ինտենսիվ կրթական ծրագրեր, մեքենայական ուսուցման, վեբ ծրագրավորման, 3D մոդելավորման, ռոբոտաշինության և այլ ոլորտներում: «Beeline-ի ու Թումոյի համագործակցության արդյունքում 100-ից ավելի ուսանող մասնակցել է աշխատարանների` ստեղծելով ու զարգացնելով տեխնոլոգիաների ոլորտի իրական նախագծեր: Beeline-ի աջակցությամբ իրականացված աշխատարանները մեր պատանիների համար ևս մեկ հնարավարություն են առաջատար մասնագետների հետ աշխատանքի արդյունքում ձեռք բերել գործնական հմտություններ արդիական ոլորտներում։ Համագործակցության այս ֆորմատը Հայաստանում գործող ՏՏ ընկերությունների հետ արդյունավետ է ինչպես ուսանողների, այլև տեխնոլոգիական էկոսիստեմի զարգացման համար», - ընդգծել է Թումոյի տնօրեն Մարի Լու Փափազյանը:
«Մենք շատ ուրախ ենք, որ մեր թիմի օգնությամբ Հայաստանի երիտասարդների համար նման խորացված գիտելիքներ են հասանելի դառնում և նոր հնարավորություններ բացում՝ ուսման ու հետագա աշխատանքի առումով: Համոզված եմ, նրանց համար շատ օգտակար ու ոգևորիչ է աշխարհի առաջատար ընկերությունների ու բուհերի ներկայացուցիչների հետ շփումը», - նշել «Տելեկոմ Արմենիայի» գլխավոր տնօրեն Հայկ Եսայանը։ Մասաչուսեթսի տեխնոլոգիական ինստիտուտի ուսանող Լարա Շոնկվիլերի աշխատարանում ուսանողները ուսումնասիրել են Python և Numpy ծրագրավորման լեզուները, մարդկանց ձայնի ընկալումն ու ձայնային մշակման հիմունքները, իսկ աշխատարանի վերջում կոդավորել երաժշտական կոմպոզիցիաներ: Ապա, Microsoft-ի արհեստական բանականության մասնագետ Շահբազ Մոգալի, Թումո Երևանում և Գյումրիում անցկացած աշխատարանների ընթացքում, ուսանողները մեքենայական ուսուցման և բնական լեզվի մշակման (NLP) օգնությամբ ստեղծել են ծրագիր, որը կարողանում է տեքստի մեջ հայտնաբերել սարկազմը:
Facebook-ի ավագ ծրագրավորող Րաֆֆի Հովակիմյանի աշխատարանի ընթացքում Թումոյի ուսանողները հիմքից կառուցել են full stack հավելվածներ և հմտացել open-source stack-ով աշխատելու մեջ: Այն օգտագործվում է Facebook-ում և մեծ տարածում ունի ոլորտում: Նյու Ջերսիի համալսարանից Էնթոնի Դիզի հետ ուսանողները կառուցել են մի սարք, որը արևային էներգիայի միջոցով փոքր մարտկոց է լիցքավորում: Այս համակարգը վերահսկում է մարտկոցի լիցքավորման մակարդակը և ջերմաստիճանը, ինչպես նաև այդ տեղեկատվությունն անլար հաղորդում է cloud-ին: Սթենֆորդի համալսարանից Քայլ Դ'Սոուզայի աշխատարանում ուսանողները սովորել են բջջային հավելված ստեղծելու բոլոր հմտությունները, այդ թվում` ինչպես հավելվածին ավելացնել տեքստ, պատկերներ, կոճակներ` օգտագործելով React Native-ը: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Բելգիայի ԱԳ նախարարը Բրյուսելում մասնակցել է Ցեղասպանության զոհերի հիշատակին նվիրված մոմավառությանը Նա կարևորել է Հայաստանի և հայ ժողովրդի՝ մասնավորապես Բելգիայի հայ համայնքի հետ բարեկամական հարաբերությունները Արամ Ա–ն՝ Էրդողանին․ Քո պապերի կողմից կոտորվեցին մեր պապերը՝ մի փորձիր Սփյուռքը հակադրել Հայաստանին Նա նշել է, որ Ապրիլի 24-ը սոսկ նահատակների ոգեկոչումի օր չէ, այլ պահանջատիրական կամքը առավել ամրացնելու կոչ է Ռուբեն Վարդանյանի որդին՝ CNN-ին․ Հացադուլից հետո հորս պահման պայմաններն ավելի են խստացվել Վարդանյանն ասել է, որ գտնվում է մեկուսացման խցում ԱԳՆ․ 2020-23-ին ականատես եղանք հերթական էթնիկ զտման քաղաքականությանն ու դրա հետևանքներին Նշվում է, որ ՀՀ–ն շարունակում է ակտիվ ներգրավածությունը ցեղասպանության հանցագործության դեմ պայքարում |