 ԱԱԾ փոխտնօրեն․ Գորիս-Կապան ճանապարհը շատ անվտանգ է, իսկ Փելա սարում ոչ մի փոփոխություն չի եղել 1 նոյեմբերի 2021 - 14:58 AMT PanARMENIAN.Net - ԱԱԾ փոխտնօրեն Արամ Հակոբյանը, անդրադառնալով Սյունիքում տիրող իրավիճակին, ասել է, որ Գորիս-Կապան ճանապարհը շատ անվտանգ է, իսկ Փելա սարում ոչ մի փոփոխություն չկա։ ԱԱԾ փոխտնօրեն Արամ Հակոբյանն ԱԺ-ում էր 2022-ի պետբյուջեի նախագծի քննարկումներին մասնակցելու նպատակով։ «Այո, անվտանգ է։ Ես անցած օրն եմ եկել, շատ անվտանգ է։ Ճիշտ է, այնտեղ կանգնած են հարևան պետության ներկայացուցիչները, բայց ընդհանրապես հայ քաղաքացիներին չեն (կանգնեցնում - խմբ․)»,-ասել է նա, գրում է Aysor.am-ը։ Նա նաև վստահեցրել է, որ Փելա սարում ամեն ինչ նորմալ է։ «Ոչ մի փոփոխություն չկա Փելա սարում։ Նախորդ օրը սահմանապահ զորքերի հրամանատարը եղել է այստեղ և հարցերին պատասխանել է։ Այնտեղ ոչ մի փոփոխություն չունենք»,-ասել է նա։ Հարցերին, թե ինչպե՞ս է իրավիճակը Փելա սարում անփոփոխ, եթե, ըստ բազմաթիվ պնդումների, ռուսական զորակազմն իջել է բարձունքից և ինչպե՞ս է Գորիս-Կապան ճանապարհն անվտանգ, եթե ադրբեջանցիներն օրեր առաջ ՀՀ հերթական քաղաքացու ավտոմեքենան էին կանգնեցրել, հայհոյել ու հարվածել մեքենային՝ Հակոբյանը պատասխանել է մեկ նախադասությամբ ․ «Ես տեղյակ չեմ»։ Փոխոստիկանապետ Արա Ֆիդանյանը, խորհրդարանում լրագրողների հետ զրույցում անդրադառնալով Գորիս-Կապան ճանապարհին ադրբեջանցիների կողմից հրահրվող սադրանքներին, հայտարարել է, որ այդ հատվածում կանոնակարգում պետք է իրականացվի միջազգային փաստաթղթերի հիման վրա։ «Այն հատվածը, որը որ ոստիկանության գործառույթների շրջանակից դուրս է, դա պետք է կանոնակարգվի միջազգային փաստաթղթերի հիման վրա: Պայմանավորվածություն կա, որ ճանապարհային միջադեպերի դեպքում է ոստիկանությունը զբաղվում»,-ասել է փոխոստիկանապետը:   Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Վերջին լուրեր Վարչապետն օտարերկրյա պետություններում Սփյուռքի գործերի հանձնակատարներ է նշանակել  Նրանք կունենան հասարակական հիմունքներով խորհրդականի կարգավիճակովՊՆ–ում քննարկվել են ՀՀ-Ֆրանսիա, նաև ԵՄ հետ գործակցությանն առնչվող հարցեր Պապիկյանն ընդունել է Ֆրանսիայի Սենատի պաշտպանության և զինված ուժերի ու եվրոպական գործերի հանձնաժողովների անդամինԱԺ-ն չի ընդունել սահմանազատման վերաբերյալ ընդդիմության նախագիծը ՔՊ-ական Մարիա Կարապետյանը հայտարարել է, որ Հայաստանի տարածքից ոչ մի միլիմետր չի զիջվում որևէ մեկին |
