Նախարար. Ուզում ենք նոր ՔԿՀ ստեղծել, որտեղ գտնվելը, ինչ-որ իմաստով, օրհնություն կլինի 3 նոյեմբերի 2021 - 17:20 AMT PanARMENIAN.Net - 2022-ի հունվարի 1-ից «Կոշ» և «Հրազդան» քրեակատարողական հիմնարկները կփակվեն: Դրա հետ մեկտեղ Երևանում նոր քրեակատարողական հիմնարկի շինարարությունը կսկսվի 2022-ին՝ հսկողության ժամանակակից համակարգերով։ Այդ մասին ասել է արդարադատության նախարար Կարեն Անդրեասյանը՝ գալիք տարվա պետբյուջեի նախագծի քննարկման ժամանակ։ Ըստ նրա՝ քրեակատարողական 12 հիմնարկ կա, որոնցից երկուսը հիմա փակում են՝ «Կոշը» և «Հրազդանը»։ Դրա հետ մեկտեղ կընդլայնվի այլընտրանքային պատիժների (պրոբացիայի) համակարգը, հայտնում է Sputnik Armenia-ն։ Դրա համար պրոբացիոն ծառայության բյուջեն 530 մլն դրամից կդառնա 773 մլն։ Մասնավորապես, հսկողության տակ գտնվող անձանց համար գնվելու են էլեկտրոնային թևնոցներ, իսկ ծառայության է ընդունվելու 50 նոր աշխատակից։ «Կա նաև տարածքը՝ «Էրեբունի» ՔԿՀ-ի նախկին տարածքում, ու եթե մեզ հաջողվի այս ծրագիրը, այս նոր ՔԿՀ-ն լինելու է մոդելային: Ուզում ենք նոր ՔԿՀ ստեղծել, որտեղ գտնվելը, ինչ-որ իմաստով, կլինի օրհնություն, որովհետև այնտեղ կլինեն մարդու իրավունքների համար բացարձակ լավ պաշտպանված պայմաններ, բայց նաև կարող է որոշ ՔԿՀ-ներում գտնվողների համար լինի ավելի ցավալի, որովհետև, եթե իրենք ուզում են օրենք խախտել, իրենց չի հաջողվի», - նշել է նախարարը: Շինարարությանն աջակցելու է Եվրամիությունը։ Այս օրինակով Արդարատադության նախարարությունը նախատեսում է միավորել ևս երկու կամ երեք ՔԿՀ, բայց, ըստ Անդրեասյանի` չեն պատրաստվում բոլորին թողնել անգործ: Բացի այդ, 2022-ին նախատեսվում է վերանորոգման աշխատանքներ իրականացնել Արմավիրի նոր բանտում՝ օդափոխման նոր համակարգ են տեղադրելու։ Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Մարուքյան․ Տավուշի ժողովրդի անկեղծ բողոքն օտար միջամտությանը վերագրելն ուղղակի խայտառակություն է «Գործակալների մի խումբ եթերից եթեր է վազում ու պիտակավորում անկեղծ պայքարող մարդկանց ու հոգևորականներին»,–նշել է նա Վրաստանի խորհրդարանն ընդունել է «օտարերկրյա գործակալների մասին» օրենքը․ Զուրաբիշվիլին ասել է՝ վետո կդնի Վրաստանը պետք է կատարի ընտրություններում՝ Եվրոպա կամ Ռուսաստան», - ընդգծել է Զուրաբիշվիլին Team-ը՝ Թումոյի գլխավոր տեխնոլոգիական գործընկերը ՀՀ-ում Ընկերությունը 50% զեղչով ինտերնետ կտրամադրի Հայաստանում գործող և հետագայում բացվող Թումո կենտրոններին Օհանյան․ Անհապաղ պետք է բեկում մտցնել սահմանազատման այս գործընթացի մեջ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով |