Կառավարության հունվարի 13-ի նիստի օրակարգում են Արարատի և Արագածոտնի մարզպետներին պաշտոնից ազատելու մասին որոշումները։ Հայտնի են նաև նրանց փոխարինողները։
Ռազմիկ Թևոնյանը կազատվի Արարատի մարզպետի պաշտոնից։ Նրա փոխարեն կնշանակվի նրա որդին՝ ԱԺ ՔՊ խմբակցության նախկին պատգամավոր Սեդրակ Թևոնյանը:
Ռազմիկ Պետրոսյանին Արագածոտնի մարզպետի պաշտոնում կփոխարինի ԱԺ ՔՊ խմբակցության նախկին պատգամավոր Սերգեյ Մովսիսյանը:
Երկու հարցն էլ ընդգրկված է չզեկուցվողների շարքում։
Ռազմիկ Թևոնյանն Արարատի մարզպետ է նշանակվել 2020-ի դեկտեմբերին: 2021-ի սեպտեմբերին Ռազմիկ Թևոնյանը մարզպետի պաշտոնից հրաժարական էր ներկայացրել, սակայն, մի քանի օրից հետ էր վերցրել դիմումը։ Նրա որդին՝ Սեդրակ Թևոնյանը 2022թ․ հունվարի 4-ին հրաժարական էր ներկայացրել պատգամավորի մանդատից։ Նա «Քաղաքացիական պայմանագիր» խմբակցության անդամ էր:
