Բաբայան․ Արցախի վրա հարձակումը կնշանակի հարձակում ռուս խաղաղապահների և ՌԴ վրա 19 հունվարի 2022 - 17:59 AMT PanARMENIAN.Net - Արցախի Հանրապետության արտաքին գործերի նախարար Դավիթ Բաբայանը, խոսելով պատերազմի հավանականության մասին, ասել է, որ Արցախի վրա հարձակումը կնշանակի հարձակում ռուս խաղաղապահների և Ռուսաստանի վրա։ «Իհարկե նոր պատերազմ կարող է սկսվել, ոչ ոք չի կարող երաշխավորել ցանկացած պատերազմի սկսման բացառումը, բայց այդ համատեքստում հավանականությունը շատ փոքր է։ Խաղաղությունն ու կայունությունը Արցախում պահպանվում են ռուս խաղաղապահների կողմից և ԱՀ-ի վրա հարձակումը ինքնաբերաբար կնշանակի հարձակում ռուս խաղաղապահների և Ռուսաստանի վրա։ Դա այլ տեսակի պատերազմ կլինի: Դա չի լինի պատերազմ Ադրբեջանի և Արցախի ու Հայաստանի միջև»,-շեշտել է ԱՀ արտաքին գործերի նախարարը, գրում է Panorama.am-ը։ Բաբայանը նաև կարծիք է հայտնել, որ դա լավ է հասկանում նաև Ադրբեջանը: Նրա խոսքով՝ Հայաստանի վրա լայնածավալ հարձակումը կնշանակի հարձակում ՀԱՊԿ-ի վրա, ինչը չի կարող աննկատ մնալ։ Բաբայանը որպես փաստարկ բերել է Ղազախստանի վերջին իրադարձություններին ՀԱՊԿ-ի արձագանքը և նկատել, որ Հայաստանի վրա հարձակման դեպքում արձագանք կլինի առնվազն ՌԴ կողմից՝ եթե ագրեսիային միանա նաև Թուրքիան: Անդրադառնալով ԵԱՀԿ ՄԽ գործունեությունը՝ Բաբայանն ասել է, որ արդեն բավական երկար ժամանակ համանախագահները չեն այցելում Արցախ, վերջին անգամ նրանք Ստեփանակերտում են եղել 2019-ի վերջին։ Նա հավելել է, որ Ադրբեջանը փորձում է ԵԱՀԿ Մինսկի խմբի համանախագահների՝ Արցախ այցի համար տարբեր խոչընդոտներ ստեղծել։   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Քաղաքացիները փակել են Երևան-Սևան, Երևան-Արարատ մայրուղիները  Մի շարք քաղաքներում ավտոերթեր են, իրազեկման ակցիաներ«ԼՈՖԹ»–ն ու Իջևանի գինու-կոնյակի գործարանը փոխըմբռնման հուշագիր են ստորագրել Գործարանն աջակցելու է Իջևան համայնքի երիտասարդների ակտիվ ներգրավման գործընթացինԱղազարյան. Բացառված է ՔՊ-ից իմփիչմենթին միացողներ լինեն Նա հավելել է, որ խմբակցությունը հիմա ավելի քան կուռ է և կանգնած է վարչապետի կողքինՌուս սահմանապահները Ներքին Հանդում այլևս չեն հսկում անցուդարձը, հավաքել են մալուխները Անցակետում մի քանի ռուս զինվորականներ կան, որոնք արդեն կից դիտակետից չեն հսկում անցուդարձը |
