ԱԺ-ում շարունակվում է ՄԻՊ ընտրության քննարկումը

ԱԺ-ում շարունակվում է ՄԻՊ ընտրության քննարկումը

PanARMENIAN.Net - Ազգային ժողովը շարունակում է Մարդու իրավունքների պաշտպանի ընտրության հարցի քննարկումը։ Ակնկալվում է, որ մեկնարկած նիստում քվեարկության կդրվի այդ պաշտոնում «Քաղաքացիական պայմանագիր» խմբակցության կողմից առաջադրված Քրիստինե Գրիգորյանի թեկնածությունը։

Արթուր Ղազինյանը, դիմելով Քրիստինե Գրիգորյանին, ասել է, որ ԱԺ ամբիոնից վերջին 3 տարում հնչել են ատելության խոսք պարունակող հայտարարություններ՝ մասնավորապես, «շնաբարո դուրսպրծուկներ», «վզից բռնելու ենք, շպրտենք դուրս», և խնդրել դիրքորոշում հայտնել։

Գրիգորյանն ասել է, որ ատելության խոսքի և քաղաքակիրթ բանավեճի նշաձողը բոլորի ձեռքում է և այն բոլորը պետք է բարձր պահեն:

«Ես հետևողական եմ լինելու ու չեմ խուսափելու գնահատականներ տալուց», - ասել է նա:

Ըստ «ԱԺ կանոնակարգ» օրենքի՝ ՄԻՊ թեկնածուն ընտրվում է պատգամավորների ձայների 3/5-ով:

Ավելի վաղ Ազգային ժողովում «Քաղաքացիական պայմանագիր» խմբակցության կողմից Մարդու իրավունքների պաշտպանի պաշտոնում առաջադրված Քրիստիննե Գրիգորյանն իր ելույթում կարևորել է իրավունքակենտրոն մոտեցումները անվտանգային հարցերին։

Գործող ՄԻՊ Արման Թաթոյանի պաշտոնավարման ժամկետը լրանում է փետրվարի 23-ին։Քրիստիննե Գրիգորյանը 2021-ի ապրիլից զբաղեցնում էր ՀՀ արդարադատության նախարարի առաջին տեղակալի պաշտոնը: 2022-ի հունվարի 20-ին Գրիգորյանն ազատվել է պաշտոնից:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---