Վարչապետ․ Մոտ ենք կոմունիկացիաների բացման աշխատանքային խմբի 1-ին գործնական արդյունքին 3 փետրվարի 2022 - 13:42 AMT PanARMENIAN.Net - Վարչապետ Նիկոլ Փաշինյանը կառավարության նիստում անդրադարձել է տարածաշրջանային կոմունիկացիաների բացմանը և Օվերչուկ-Գրիգորյան հանդիպմանը՝ հայտարարելով, որ շատ մոտ ենք արձանագրելու տարածաշրջանի կոմունիկացիաների բացման եռակողմ աշխատանքային խմբի առաջին գործնական արդյունքները: Նա նշել է, որ ՌԴ փոխվարչապետ Ալեքսեյ Օվերչուկի, «Ռուսական երկաթուղիներ» ԲԲԸ նախագահ Օլեգ Բելոզյորովի և ՀՀ փոխվարչապետ Մհեր Գրիգորյանի՝ փետրվարի 2-ին Երևանում կայացած հանդիպմամնը քննարկվել է Երասխ-Ջուլֆա-Օրդուբադ-Մեղրի-Հորադիզ երկաթգծի կառուցման հարցը: «Արդեն պայմանավորվածություններ են ձեռք բերվել, որոնց անբաժանելի մաս է այն հանգամանքը, որ պետք է երկաթուղին կառուցենք և այն գործելու է Հայաստանի տարածքում ՀՀ օրենսդրության շրջանակում, Ադրբեջանի տարածքում՝ Ադրբեջանի օրենսդրության շրջանակում», - ասել է Փաշինյանը: Նա նշել է, որ այժմ քննարկվում են տեխնիկական առաջադրանքի ձևակերպման, նախագծման, շինարարության մեկնարկի, ֆինանսավորման հարցերը: Նշելով, որ թեև այս դինամիկայի պահպանման դեպքում այս հարցի իրագործումն առարկայական է դառնում, սակայն քանի դեռ երկաթուղին չի կառուցվել, առաջին գնացքը չի անցել, միշտ պետք է մտքում ունենալ, որ իրադրությունը սովորական չէ։ Փոխվարչապետ Մհեր Գրիգորյանը տեղեկացրել է որ օպերատորը լինելու է «Հարավկովկասյան երկաթուղիներ» ընկերությունը, ուստի ճիշտ կլինի, որ օպերատորի հետ համագործակցությունը սերտ լինի, որ նախագիծն ունենա այնպիսի տրամաբանություն, որ դրանից հետո անմիջապես կառուցվի ու հետո անմիջապես շահագործվի: Աշխատանքային այցով Երևանում գտնվող Ռուսաստանի Դաշնության փոխվարչապետ Ալեքսեյ Օվերչուկը և ՀՀ փոխվարչապետ Մհեր Գրիգորյանը քննարկել են կոնցեսիոն պայմանագրի շրջանակներում «Հարավկովկասյան երկաթուղի» ընկերության հետ համագործակցության հետագա զարգացմանն առնչվող մի շարք հարցեր։ Հանդիպմանը մասնակցել են նաև «Ռուսական երկաթուղիներ» ԲԲԸ գլխավոր տնօրեն, կառավարման խորհրդի նախագահ Օլեգ Բելոզյորովը և Հայաստանում ՌԴ արտակարգ և լիազոր դեսպան Սերգեյ Կոպիրկինը: Երկուստեք ընդգծվել է «Հարավկովկասյան երկաթուղի» ընկերության կարևոր դերը Հայաստանի տնտեսության համար: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Օսկանյան. Արցախի հարցը փակված չէ Նա նշել է, որ Հայաստանն այսքան խոցելի է դարձել հիմնականում այն պատճառով, որ մենք կորցրել ենք Արցախը Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի |