Թորոսյան․ ՀՀ-ում ընդամենը 29%-ն է ամբողջությամբ պատվաստված՝ պետք է կենտրոնանալ ավելի շատ պատվաստվող ունենալու վրա 8 փետրվարի 2022 - 11:24 AMT PanARMENIAN.Net - Առողջապահության նախկին նախարար, պատգամավոր Արսեն Թորոսյանը, անդրադառնալով կորոնավիրուսիային իրավիճակին, ասել է, որ պատվաստումների ցուցանիշները Հայաստանում բավականին ցածր են, բնակչության ընդամենը 29 տոկոսն է ամբողջությամբ պատվաստված։ «Եթե ավելի մեծ տեմպերով պատվաստումներ չունենանք, կարող է հավերժ լինենք կովիդի դեմ պայքարի այս ցիկլերի մեջ»,-ասել է նա է Sputnik Արմենիային տված հարցազրույցում։ Նա հավելել է, որ պետք է ամբողջ գործիքակազմը կենտրոնացնել ավելի շատ պատվաստվող ունենալու համար: Ըստ Թորոսյանի` այն երկրները, որոնք հասել են մոտ 80-90 տոկոսի, պարզապես վերջ են դնում բոլոր սահմանափակումներին և վերադառնում են նախակորոնավիրուսային կյանքին։ Թորոսյանը կարծում է, որ ՀՀ ԱՆ-ն կորոնավիրուսի վիճակագրությունը ոչ այնքան պարզ ձևով է մատուցում հասարակությանը։ Ըստ նրա` պետք է հրապարակվի 3 թիվ. առաջին և ամենակարևորը՝ ամբողջապես պատվաստված քաղաքացիների թիվն է, երկրորդը` մեկ դեղաչափ ստացածներինը, երրորդը` խթանիչ դեղաչափ ստացածներինը։ Այդ թվերը ցույց են տալիս, որ պատվաստումների աճը շատ դանդաղ է, ու դա կախված է նախ նրանից, որ այն մարդիկ, ովքեր ստիպված պիտի պատվաստվեին, արդեն պատվաստվել են, ու նրանից, որ այս թեման այլևս արդիական չէ, մարդկանց չի հուզում։ Բնակչության միայն 29 տոկոսն է ամբողջապես պատվաստված։ Հարցին, թե ինչու քաղաքացիները չեն ցանկանում պատվաստվել, Արսեն Թորոսյանը պատասխանել է, որ պատճառները շատ են՝ սկսած ներքաղաքական անկայունությունից վերջացրած վստահությունը կոնկրետ միջամտությանը և նաև պարտադրող կամ խրախուսող միջոցառումներին։ Անդրադառնալով Հայաստանում առկա պատվաստանյութերին, դրանց որակին ու ժամկետներին՝ Թորոսյանն ասել է, որ դրանց թիվը բավարար է։ «Որակական առումով էլ բոլոր պատվաստանյութերն անվտանգ են և էֆեկտիվ։ Հայաստանը քիչ երկրներից է, որ շատ մեծ տեսականի ունի պատվաստանյութերի. չինական երկու տեսակի պատվաստանյութ` CoronaVac և Sinopharm, ռուսական Sputnik-V և հիմա արդեն Հայաստանում արտադրվող Sputnik Light, Moderna, AstraZeneca, շուտով, հուսով եմ, կլինի նաև Pfizer, որովհետև կարծես մատակարարումների վերջնական փուլին ենք հասել: Պատվաստանյութերի` ժամկետների մեջ լինելը և պատշաճ պայմաններում պահվելը շատ հեշտ կարելի է ստուգել, օրինակ` նայելով սրվակի վրայի մարկերներին, որ սառցե շղթան պահպանված լինի և ստուգել՝ ժամկետի մեջ է, թե ոչ։ Պատվաստումներից որևէ լուրջ կողմնակի էֆեկտ չենք ունեցել», – հավելել է Թորոսյանը։ Թորոսյանը հավելել է, որ պատվաստումները պետք է լինեն կորոնավիրուսի դեմ պայքարի սահմանափակումների գագաթնակետը։ Նա նշել է, որ երկրներ կան, որտեղ արդեն բուստեր դեղաչափն են 80-90 տոկոս ստացել, իսկ հետազոտությունները ցույց են տալիս, որ պատվաստանյութն, այնուամենայնիվ, շատ երկար չի աշխատում, աշխատում է ինչ–որ ժամանակ, որը պետք է կրկնել, ինչպես, օրինակ, սովորական գրիպի ժամանակ, երբ ամեն եղանակին պատվաստվում ենք։ Փետրվարի 7-ի դրությամբ Հայաստանում առաջին դեղաչափով կատարվել է 1,054,178, իսկ երկրորդ դեղաչափով՝ 858,981 պատվաստում: Խթանիչ դեղաչափ է ստացել 12,397 քաղաքացի։   Ուշագրավ Վիրահատված պացիենտի վիճակը բավարար է գնահատվում Խորհուրդը կոչ է արել ՀՀ իշխանություններին զերծ մնալ բռնությունից, ատելություն և թշնամանք սերմանելու դրսևորումներից «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել   Ամենաընթերցվողը բաժնում |  Վերջին լուրեր Տիխանովսկայա. Լուկաշենկոն դավաճանել է ՀՀ-ին այնպես, ինչպես Ուկրաինային  Նա նշել է, որ աշխարհին պետք է ազատ և ժողովրդավարական Բելառուս, «ոչ թե նենգ բռնապետ»Ըստ Քոչարյանի՝ Ադրբեջանի ՊՆ–ն իր ապատեղեկատվություններով ագրեսիայի հիմք չի ստեղծում «Կրակոցներ միշտ կարող են լինել՝ զինվորական է, կարող է, խմել է, մի հատ էլ կրակել է, բայց ոչ մեր կողմից»,–ասել է նաՀԱԿ. Փաշինյանն իր «կղերաֆեոդալական վարկածով» փորձում է կոծկել իր պատասխանատվությունը Նշվում է, որ 1996-ին ԵԱՀԿ-ն ԼՂ հարցով միջազգային իրավունքի տեսակետից պարտադիր կիրառման ուժ ունեցող որևէ որոշում չի ընդունել |
