Օհանյան․ Խաչատուրյանն իշխող թիմի անդամ է, իսկ նախագահը պետք է վերկուսակցական լինի 2 մարտի 2022 - 15:53 AMT PanARMENIAN.Net - «Հայաստան» խմբակցության ղեկավար Սեյրան Օհանյանը, անդրադառնալով ՀՀ նախագահի պաշտոնում ԲՏԱ նախարար Վահագն Խաչատուրյանի առաջադրմանը, ասել է, որ ՀՀ նախագահը պետք է վերկուսակցական անձնավորություն լինի: Օհանյանը հայտարարել է, որ Վահագն Խաչատուրյանը, որը հանդիսանում է իշխող քաղաքական թիմի անդամ, չի կարողանալու անաչառություն դրսևորել, գրում է «Փաստինֆոն»։ Նա նշել է, որ «Հայաստան» խմբակցությունը մանրամասն քննարկել է նախագահի ընտրություններին մասնակցելու հարցը և միասնական որոշում է կայացրել՝ չմասնակցելու դրանց։ «Հիմնավորումները մի քանիսն են, նախ՝ ՀՀ նախագահը պետք է վերկուսակցական անձնավորություն լինի։ Այսօրվա նախագահի թեկնածուն հանդիսանում է կուսակցության անդամ և նրան ներկայացրել են այսօրվա կառավարության անդամները։ Ըստ էության՝ կարելի է ասել այսօրվա կառավարության ղեկավարը կառավարության նիստում նշանակեց հանրապետության նախագահին։ Գումարած դրան, հաշվի առնելով այդ վերկուսակցական լինելը, ՀՀ նախագահը պետք է լինի հավասարակշռող, համախմբող անձնավորություն»,-ասել է Օհանյանը: Ազգային ժողովում քննարկվում է ՀՀ նախագահի ընտրության հարցը:Նախագահի միակ թեկնածուն ԲՏԱ նախարար Վահագն Խաչատուրյանն է, որին առաջադրել է իշխող «Քաղաքացիական պայմանագիր» խմբակցությունը, ընդդիմությունը թեկնածու չի առաջադրել:Ընդդիմադիր «Պատիվ ունեմ» և «Հայաստան» խմբակցությունները լքել են նիստերի դահլիճը և չեն մասնակցելու նախագահի ընտրության քվեարկությանը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
