44-օրյայում զոհվածների հարազատները ցույց են անում Ազնավուրի հրապարակում 26 ապրիլի 2022 - 15:11 AMT PanARMENIAN.Net - Արցախյան 44-օրյա պատերազմում զոհված զինծառայողների ծնողներն ու հարազատները Երևանի Շառլ Ազնավուրի հրապարակում բողոքի ակցիա են իրականացնում` պահանջելով պատժել վարչապետ Նիկոլ Փաշինյանին։ Ծնողների ու հարազատների մի մասն ակցիային եկել է սև շապիկներով, որոնց վրա իրենց զոհված որդիների կամ ամուսինների պատկերն է, մյուս մասն էլ իրենց հետ բերել է զոհվածների լուսանկարները։ Ազնավուրի հրապարակում մի քանի հարյուր մարդ է հավաքվել։ Այնտեղ ոչ միայն զոհվածների ծնողներն են, այլև նրանց աջակցող քաղաքացիները։ Ծնողներին աջակցում են նաև ընդդիմադիր պատգամավորներ` ԱԺ «Հայաստան» խմբակցության ղեկավար Սեյրան Օհանյանն ու նույն խմբակցությունից Ագնեսա Խամոյանը, տեղեկացնում է Sputnik Արմենիան։ Զոհված զինծառայող Հայկ Մելիքյանի հարազատ Անահիտ Մանասյանն ասել է` արդեն մի քանի հարյուր ստորագրություն է հավաքվել Փաշինյանին պատասխանատվության ենթարկելու պահանջով։ Նա հայտնել է նաև, որ փաստաբանները պատրաստում են դատախազության պատասխանը, որը որոշել է միավորել իրենց բողոքն այլ քրեական վարույթի հետ։ «Կա խոստովանություն, որ մասսայական սպանություն է եղել, մենք պահանջում ենք, որպեսզի գործն առանձին քննվի։ Չենք ցանկանում, որ կողմնակալ որոշում կայացվի։ Մենք ճնշում ենք գործադրելու բոլոր մարմինների վրա, որպեսզի նրանք աշխատեն և պատժեն Փաշինյանին»,- ասել է Մանասյանը։ ԱԺ-ում վարչապետի այն հայտարարությունից հետո, որ կարելի էր խուսափել պատերազմից և արդյունքը նույնը կլիներ, բայց առանց զոհերի, 44-օրյա պատերազմում զոհված մի շարք զինծառայողների ծնողներ ապրիլի 18-ին դիմել են ՀՀ գլխավոր դատախազություն՝ պահանջելով քրեական գործ հարուցել և քննել Փաշինյանի հայտարարությունները: Գլխավոր դատախազությունը ծնողների դիմումն ուղարկել է հակակոռուպցիոն կոմիտե՝ պատերազմի ընթացքում հնարավոր հանցագործությունների գործի հետ միավորվելու համար։ Ծնողները մտադիր են երթ և բողոքի ակցիա անցկացնել:   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Վերջին լուրեր Օսկանյան. Արցախի հարցը փակված չէ  Նա նշել է, որ Հայաստանն այսքան խոցելի է դարձել հիմնականում այն պատճառով, որ մենք կորցրել ենք ԱրցախըՆարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ ՀարությունյանըՄիրզոյանը Կատարի իր պաշտոնակցին է ներկայացրել Ադրբեջանի հետ հարաբերությունների կարգավորման զարգացումները Հատուկ ուշադրություն է դարձվել տարածաշրջանային փոխկապակցվածության հարցերինԱբրահամյան․ Իշխանությունը «սահմանային ճշգրտումներին» զուգահեռ, ԶՈւ բրիգադները սահմանապահներով փոխարինելու գործընթացի մեջ է Նա նշել է, որ իշխանությունը մտել է մի պրոցեսի մեջ, որը ՀՀ–ին երկարաժամկետ առումով կախվածության մեջ է դնելու Ադրբեջանից |
