Աժ-ն 1-ին ընթերցմամբ ընդունել է ապօրինի գույքի բռնագանձման օրենքում պաշտոնյաների ցանկի ընդլայնումը

Աժ-ն 1-ին ընթերցմամբ ընդունել է ապօրինի գույքի բռնագանձման օրենքում պաշտոնյաների ցանկի ընդլայնումը

PanARMENIAN.Net - Ազգային ժողովն արտահերթ նիստում առաջին ընթերցմամբ ընդունել է «Ապօրինի ծագում ունեցող գույքի բռնագանձման մասին» օրենքում փոփոխություններ և լրացումներ կատարելու մասին» օրենքի նախագիծը, որով ընդլայնվում է օրենքում գործածվող «Պաշտոնատար անձ» հասկացությունը։

Նախատեսվում է բացի պաշտոնյաներից այդ հասկացության տակ ներառել նաև նրանց, ովքեր ունեն հայտարարագիր ներկայացնելու պարտավորություն։

Առաջարկվել է նաև, որ վարույթ իրականացնող մարմինը հնարավորություն ունենա պահանջելու պատասխանողից գույքի ձեռքբերման արժեքը, իսկ եթե գույքը գտնվում է Հայաստանի սահմաններից դուրս, պատասխանատուից պահանջել այդ գույքի ձեռքբերման պայմանագրային արժեքը:

Նախագծով փոփոխվում է նաև գործերի ուսումնասիրության ժամկետը՝ 2 տարվա փոխարեն սահմանվելով 3 տարի։ Այդ փոփոխությունը տարածվելու է նաև չավարտված ուսումնասիրությունների վրա:

Օրենսդրական նախաձեռնությունը ստացել է ԱԺ պետական-իրավական հարցերի մշտական հանձնաժողովի դրական եզրակացությունը:

«Ապօրինի ծագում ունեցող գույքի բռնագանձման մասին» օրենքի կիրառման արդյունքում այս պահին վարույթում չավարտված մոտ 300 և ավարտված 20 ուսումնասիրություն կան: 20-ից 8-ի դեպքում դատարան են ներկայացվել հայցադիմումներ և դատարանի կողմից ընդունվել են վարույթներ: Նիստերը լինելու են հրապարակային:

Մոտակա 2-3 ամիսների ընթացքում 20-ից ավելի հայցադիմում ևս պետք է մուտք արվի դատարան: Զուգահեռ աշխատանքներ են իրականացվում հաշտության համաձայնությունների շուրջ, մոտ ապագայում հաշտության բանակցությունների թիվը կաճի:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---