Ցուցարարներն ԱԳՆ շենքի մոտ են․ Ընդդիմադիր պատգամավորները ցանկանում են հանդիպել նախարարի հետ31 մայիսի 2022 - 13:19 AMT PanARMENIAN.Net - Մայիսի 31-ի առավոտյան «Դիմադրություն» շարժման մասնակիցները, ինչպես երեկոյան հայտարարվել էր ընդդիմության հավաքին, առավոտից հավաքվել էին Ֆրանսիայի հրապարակում։ Նրանց երթը մեկնարկել է Սայաթ-Նովայի պողոտայից և հասել է ԱԳՆ շենքի մոտ։ ՀՅԴ Հայաստանի ԳՄ ներկայացուցիչ Իշխան Սաղաթելյանն ԱԳՆ շենքի դիմաց հայտարարել է, որ մի նպատակով են եկել, որպեսզի պատգամավորները հանդիպեն նախարարների հետ, հասկանան իրենց դիրքորոշումը հայ-ադրբեջանական և հայ-թուրքական գործընթացներին առնչվող ընդդիմության հրապարակած սկզբունքների վերաբերյալ, գրում է «Փաստինֆոն»։ «Հիմա նաև անձնական պատասխանատվության ժամանակն է և այս օրերի ընթացքում յուրաքանչյուրի բերանից պետք է լսենք, թե ով ինչ է մտածում։ ԱԳՆ շենքը չենք շրջափակում, մեր նպատակն այսօր դա չէ»,-ասել է Սաղաթելյանը և ակցիայի մասնակիցներին հորդորել ոստիկանության ներկայացուցիչների հետ կոնֆլիկտի չբռնվել։ Սաղաթելյանը նաև զգուշացրել է, որ ցուցարարների շարքերում կան սադրիչներ, որոնք իրենց հետ կապ չունեն, ուղղորդվել են այնտեղ իշխանության կողմից։ ԱԳՆ շենքի մոտ այս պահին մեծաթիվ ոստիկանական ուժեր են կուտակված։ Վահաններով, սաղավարտներով և հատուկ պաշտպանության այլ միջոցներով ոստիկանները մի քանի շարքով պատ են կազմել ԱԳՆ դիմաց։ Մայիսի 30-ի երեկոյան ՀՅԴ Հայաստանի ԳՄ ներկայացուցիչ Իշխան Սաղաթելյանը հայտնել էր, որ շարունակելու են այցելել պետական հաստատություններ, տարբեր հիմնարկներ։ Ընդդիմության նախաձեռնությամբ հունիսի 3-ին ԱԺ արտահերթ նիստ է կայանալու՝ հայ-ադրբեջանական և հայ-թուրքական հարաբերությունների հետ կապված հստակ հայտարարության քննարկմամբ, որի տեքստը ընդդիմությունը հրապարակել է։ ՔՊ-ն հայտարարել է, որ չի մասնակցելու նիստին։ Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | «Երևանի բալետային փառատոն»՝ Թումանյանի անվան զբոսայգում Բացօթյա փառատոնի ներկայացումների սկիզբը 20:00–ին է Միրզոյանը՝ Վիեննայում․ Պետք է արգելել միջուկային օբյեկտների վրա զինված հարձակումները և հարձակման սպառնալիքները Նա նշել է, որ Հայաստանը վերահաստատում է իր հանձնառությունը Չտարածման մասին պայմանագրին ՀՀ և Չեխիայի ԱԳ նախարարները խոսել են ԵՄ հարթակում համագործակցության մասին Միրզոյանն ասել է, որ Հայաստանն էականորեն խորացնում է հարաբերությունները ԵՄ հետ բոլոր ուղղություններով Միրզոյանն ու Գրոսսին անդրադարձել են ՀԱԷԿ–ի հետագա ապահով և անվտանգ շահագործմանը Միրզոյանն ասե էլ որ ՀՀ–ն ձեռնարկել է անհրաժեշտ միջոցներ ատոմակայանի կյանքը մինչև 2036 թվականը երկարաձգելու համար |