Նախարար․ Պետպարտքը 2021-ի տարեվերջի դրությամբ 4 տրլն 430 մլրդ դրամ էր 31 մայիսի 2022 - 16:12 AMT PanARMENIAN.Net - Պետական պարտքը 2021-ի տարեվերջի դրությամբ կազմել է 4 տրիլիոն 430 մլրդ դրամ (մոտ 9.6 մլրդ դոլար): Այդ մասին ֆինանսների նախարար Տիգրան Խաչատրյանը տեղեկացրել է ԱԺ մշտական հանձնաժողովների համատեղ նիստում «ՀՀ 2021 թվականի պետական բյուջեի կատարման մասին» տարեկան հաշվետվության քննարկումների ժամանակ: Նա նշել է, որ դրա գերակշիռ մասը կառավարության պարտքն է, իսկ 220 մլրդ դրամը՝ Կենտրոնական բանկի: Կառավարության պարտքը տարեվերջին կազմել է 4 տրիլիոն 210 մլրդ դրամ, որի կազմում արտաքին պարտքը 2 տրիլիոն 972 մլրդ և ներքինը՝ 1 տրիլիոն 237 մլրդ դրամ: Նախարարը նաև նշել է, որ համավարակից և Արցախյան պատերազմից հետո 2021 թ. տնտեսությունը վերականգնման փուլում էր` գրանցվել է ՀՆԱ-ի 5.7 տոկոս իրական աճ: Տնտեսական աճը պայմանավորված է եղել հիմնականում ծառայությունների աճով: «Արդյունաբերության և շինարարության տեմպերը ևս աճել են՝ նպաստելով տնտեսական աճին: Մինչդեռ գյուղատնտեսության նվազումը բացասաբար է ազդել տնտեսական աճի վրա»,- նշել է ֆինանսների նախարարը: Նա նշել է նաև, որ ՀՆԱ-ի նկատմամբ պետական բյուջեի պակասուրդը կազմել է 4․6 տոկոս՝ նախորդ տարվա համեմատ նվազելով 0,8 տոկոսային կետով, իսկ Կառավարության պարտքը ՀՆԱ-ի նկատմամբ կազմել է 60․3 տոկոս՝ նախորդ տարվա փաստացի արդյունքից նվազելով 3․2 տոկոսով:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում  «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նաՀանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվելՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվիՄիրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |
