ԲԴԽ-ում հանձնախումբ է ձևավորվել․ Վարդազարյանից ամբողջական ձայնագրությունն են խնդրել27 հունիսի 2022 - 16:07 AMT PanARMENIAN.Net - Բարձրագույն դատական խորհրդի նախկին նախագահ Ռուբեն Վարդազարյանի հրապարակած ձայնագրության հարցով ԲԴԽ խորհրդի կազմի անդամներից հանձնախումբ է ձևավորվել։ Ազգային ժողովում լրագրողների հետ զրույցում տեղեկությունը հայտնել է ԲԴԽ անդամ Դավիթ Խաչատուրյանը։ «Խորհրդի կազմի անդամներից ձևավորվել է հանձնախումբ, 5 անձ միացել է այդ հանձնախմբին։ Խնդրել ենք Վարդազարյանին, որպեսզի նա մեզ տրամադրի ամբողջական, մոնտաժով չաղավաղված ձայնագրությունը, որ ամբողջական և ադեկվատ գնահատական տրվի այդ հարցազրույցին, խոսակցության մասնակիցների արտահայտություններին, այսինքն` կարողանանք համապատասխան եզրակացության գալ»,- ասել է Խաչատուրյանը, գրում է Sputnik Արմենիան։ Նրա խոսքով` եթե ԲԴԽ-ն որևէ նյութ է պահանջում, ապա գործով կողմը չի կարող որևէ պայմաններ առաջադրել։ Խաչատուրյանը նշել է, թե ձայնագրության հարցով, քննարկվող թեմաներով բոլոր վարկածները պետք է օբյեկտիվ ու բազմակողմանիորեն քննվեն քննչական մարմնի կողմից։ Իսկ հարցին, թե ինչպես կգնահատի ԲԴԽ նախագահի պաշտոնակատար Գագիկ Ջհանգիրյանի արտահայտությունները, թե այսինչ քրգործը կարճել կտա, այնինչը` ևս, Խաչատուրյանը պատասխանել է, որ դա համարում է որպես գոյություն ունեցող վարկածներից մեկը։ «Ջհանգիրյանն ասել է այն, ինչ ասել է, և ես դա գնահատում եմ որպես իրադրության մեկ այլ վարկած, թե ինչու է այդպես ասվել։ Իսկ թե որ վարկածն է իրականությանը համապատասխանում, իրավապահները կորոշեն»,-ասել է նա։ Նրա ունեցած տեղեկություններով` նախաքննական մարմինը չի դիմել ԲԴԽ, որպեսզի Ջհանգիրյանը բացատրություն տա։ Իսկ ինչ վերաբերվում է Ջհանգիրյանի հրաժարականին, ապա Խաչատուրյանը պարզաբանել է` ինքը լուրեր չունի, որ Գագիկ Ջհանգիրյանը պատրաստվում է հրաժարական տալ։ Հունիսի 20-ին Ռուբեն Վարդազարյանը հրավիրած ասուլիսում աղմկահարույց ձայնագրություն է հրապարակել, որի համաձայն՝ Ջհանգիրյանը հորդորում է այն ժամանակ դեռ ԲԴԽ նախագահի պաշտոնը զբաղեցնող Ռուբեն Վարդազարյանին հրաժարական տալ և խոսում է քրեական գործերի ընթացքին միջամտելու մասին։ ԲԴԽ-ն դադարեցրել է կառույցի նախագահ (լիազորությունները կասեցված), դատավոր Ռուբեն Վարդազարյանի լիազորությունները՝ էական կարգապահական խախտման հիմքով։ Որոշումը հրապարակվել է ԲԴԽ նիստում՝ բավարարելով Վարդազարյանին կարգապահական պատասխանատվության ենթարկելու մասին հանձնախմբի միջնորդությունը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սանոսյանն ու Կոպիրկինը քննարկել են ՀԱԷԿ-ի 2-րդ էներգաբլոկի շահագործման երկարաձգման հարցը Քննարկվել են նաև ենթակառուցվածքների զարգացման հարցեր Փակվել է Աղդամի ռուս–թուրքական մշտադիտարկման կենտրոնը Կենտրոնը բացվել էր 2021–ի հունվարի 30-ին Թուրքիայի և ՌԴ-ի միջև ստորագրված հուշագրի հիման վրա ԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելուն Եվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ |