‌ՀՀ ԱԳՆ-ն դատապարտել է իրաքյան Զախոյի գնդակոծումը

‌ՀՀ ԱԳՆ-ն դատապարտել է  իրաքյան Զախոյի գնդակոծումը

PanARMENIAN.Net - ՀՀ արտաքին գործերի նախարարությունը դատապարտել է Իրաքի հյուսիսում գտնվող Զախո քաղաքի գնդակոծումը։ Այդ մասին Twitter–ի իր միկրոբլոգում գրել է ԱԳ նախարարի մամուլի խոսնակ Վահան Հունանյանը՝ խորին ցավակցություն հայտնելով Իրաքի ժողովրդին։

«Մեր խորին ցավակցությունն ենք հայտնում բարեկամ Իրաքին և իրաքցի ժողովրդին` Զախոյի հատվածում գնդակոծության հետևանքով խաղաղ բնակիչների ողբերգական մահվան կապակցությամբ։ Խստորեն դատապարտում ենք բռնի գործողությունները քաղաքացիական բնակչության դեմ և շուտափույթ ապաքինում ենք մաղթում տուժածներին»,– ասվում է գրառման մեջ։

Թուրքական ԶՈւ կողմից Զախո քաղաքի հրետակոծումից հետո Իրաքի իշխանությունները որոշել են հետ կանչել Թուրքիայում Բաղդադի ժամանակավոր հավատարմատարին։ Ըստ Քրդստանի Ժողովրդավարական կուսակցության, գնդակոծման հետևանքով 9 մարդ զոհվել է, ևս 33-ը՝ տուժել։ ԱԳՆ-ին հանձնարարվել է բողոք ներկայացնել ՄԱԿ ԱԽ-ին, ինչպես նաև կանչել Թուրքիայի դեսպանին։ Մինչդեռ Թուրքիայի ԱԳ նախարար Մևլութ Չավուշօղլուն հայտարարել է, որ Թուրքիան հարձակում չի գործել իրաքյան դիրքերի վրա։

 Ուշագրավ
Նա հավելել է, որ փաստացի, ադրբեջանական զինված ուժերը հայտնվել են ռուս խաղաղապահների թիկունքում
Նշվում է նաև, որ ներխուժած ադրբեջանական ստորաբաժանումները մարտի լույս 25-ի գիշեր կրակ են բացել
Դեսպանատան ոչ մեծ թվով աշխատակիցներ դիտարկել են ընտրությունները՝ որպես այցելուներ
Շրջանառության մեջ կդրվի սահմանագծման և սահմանազատման հիմնախնդիրներին վերաբերող ԱԺ հայտարարության նախագիծ
---