Վարչապետ. ԼՂ ժողովրդի ճակատագիրը որոշելու հավակնություն չենք ցուցաբերում10 հունվարի 2023 - 14:31 AMT PanARMENIAN.Net - Վարչապետ Նիկոլ Փաշինյանն ասուլիսում հայտարարել է, որ բանակցությունների ժամանակ ԼՂ ժողովրդի ճակատագիրը որոշելու հավակնություն ՀՀ կառավարությունը չի ցուցաբերում։ Նա այդպես է արձագանքել լրագրողի դիտարկմանը, որ կառավարության գործող ծրագրում ամրագրված է, որ ՀՀ-ն Արցախի երաշխավորն է և արդյո՞ք կառավարությունը, վարչապետն անվտանգության երաշխավորի դերում է բանակցում Ադրբեջանի նախագահի հետ։ «Բանակցությունների ընթացքում մենք ԼՂ-ի, ԼՂ ժողովրդի ճակատագիրը որոշելու հավակնություն չենք ցուցաբերում։ Դեռ 2018-ին եմ ասել, որ դա սխալ բանաձև է, քանի որ այդ ճակատագրի հարցում որոշիչ դեր պետք է ունենա Լեռնային Ղարաբաղի ժողովուրդը։ Մենք բանակցում ենք այն մասին, որ պետք է միջազգայնորեն տեսանելի խոսակցություն տեղի ունենա ԼՂ հայության և Ադրբեջանի՝ Բաքվի և Ստեփանակերտի միջև»,- ասել է նա՝ հավելելով, որ դա բանակցությունների թեմաներից մեկն է։ Այն դիտարկմանը, որ ինքն է բանակցում՝ Փաշինյանն ասել է, որ նաև ՀՀ-ի և իր ստորագրությամբ է ՌԴ խաղաղապահ զորախումբը տեղակայվել ԼՂ-ում։ Վարչապետը հավելել է, որ սիլլոգիզմ կա` ՀՀ–ն Լեռնային Ղարաբաղի անվտանգության երաշխավորն է, իսկ ՀՀ-ի անվտանգության երաշխավորը Ռուսաստանն է, և այս բանաձևով էլ առաջնորդվել են։ «Եթե ՀՀ–ն կարողանար ինքն իր անվտանգությունն ապահովել, մեր անվտանգության հիմքում այն բանաձևը չէր լինի, որ ՌԴ–ն է Հայաստանի անվտանգության երաշխավորը»,-ասել է նա։ Դեկտեմբերի 12-ին Լաչինի միջանցքի Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ կրկին բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին: Դեկտեմբերի 13-ին Ադրբեջանը նաև փակել էր գազի մուտքը Լեռնային Ղարաբաղ, որի մատակարարումը վերականգնվել է դեկտեմբերի 16-ի առավոտյան։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի ՀՌՀ նախագահն առաջարկում է սահմանափակել TikTok-ի հասանելիությունը ՀՀ-ում Նա նշել է, որ նույնիսկ ամենաժողովրդավարական երկրները սկսում են սահմանափակել |